Home » Lajme, Politikë » ​Lutfi Haziri: Kandidatët e LDK-së për deputetë me integritet të lartë njerëzor

​Lutfi Haziri: Kandidatët e LDK-së për deputetë me integritet të lartë njerëzor

Kryetari i degës së LDK-së në Gjilan, njëherit nënkryetar i kësaj partie, Lutfi Haziri, ka mbajtur takime të ndara me strukturat e partisë, përfshirë kryesinë, kryetarët e nëndegëve, Forumin e Gruas dhe Forumin e Rinisë.

Qëllimi i takimeve ka qenë mobilizimi për fazën e parë të përgatitjeve për zgjedhjet parlamentare, të cilat do të mbahen me 14 shkurt.

Haziri citohet të ketë thënë se, mbështetja e gjilanasve për LDK-në, është impresive, duke shtuar se në ditët në vazhdim do të dalin me listën e kandidatëve për deputetë, të cilët do të jenë emra reprezentativë, të cilët do t’i përfaqësojnë interesat e qytetarëve në mënyrën më të mirë në Kuvendin e Republikës.

“Jemi në fazën finale të përgatitjeve dhe bashkë më strukturat e partisë do t’i nominojmë në ditët në vazhdim kandidatët për deputetë, të cilët do t’i japin vlerë Kuvendit. Lista e LDK-së nga Gjilani do të jetë listë e njerëzve me kredibilitet e integritet të lartë njerëzor e profesional. Tashmë jemi të vendosur dhe që të gjithë pa dyshim do të zgjidhen deputetë”, tha Haziri.

Ndryshe, lista e LDK’së nga Gjilani do të bëhet publike gjatë javës përmes një konference për media.

Leave a Reply

You must be Logged in to post comment.

© 2021 KosovaLindore · RSS · Designed by Theme Junkie · Powered by WordPress
ShqipEnglishDeutsch