Home » Kulturë » KONFERENCA SHKENCORE PRESHEVA, BUJANOCI DHE MEDVEGJA, DJE, SOT DHE NESER, REALIZOI OBJEKTIVAT E SAJ DHE ISHTE E SUKSESHME

KONFERENCA SHKENCORE PRESHEVA, BUJANOCI DHE MEDVEGJA, DJE, SOT DHE NESER, REALIZOI OBJEKTIVAT E SAJ DHE ISHTE E SUKSESHME

Shkruan: Xhemaledin SALIHU

 

 

Konferenca shkencore Presheva, Bujanoci dhe Medvegja, dje, sot dhe nesër, e mbajtur më 20 e 21 nëntor 2013, në Prishtinë, në organizim të Institutit Albanologjik të Prishtinës dhe Shoqatës për Trashëgimi dhe Krijimtari Kulturore në Preshevë i përmbushi objektivat e saj dhe ajo ishte e sukseshme.

Pamje nga Konferenca

 

Në Konferencë u lexuan më shumë se 46 kumtesa me tematikë nga historia, trashëgimia, gjuhësia, letërsia, drejtësia, gjeopolitika, folklori, etnologjia, nga tematikë sociale, arsimore, kulturore, informative e të tjera. Ky ishte edhe qëllimi i Konferencës që në të të trajtohen sa më shumë tematika të llojlllojshme dhe nga lëmi të ndryshme.

Aktivitet përcjellës i Konferencës shkencore ishte edhe organizimi i Ekspozitës më me shumë se 100 fotografi me fjalë nga Trashëgimia kulturore dhe asaj natyrore të Preshevës, Bujanocit dhe Medvegjës dhe fotografi nga Lufta e Lavdishme e UÇPMB-së.

 

Në Konferencën dyditore ishin të ftuar shumë mysafirë. Në konferencë morën pjesë kumtuesit, shumë studiues, preshevarë, kosovarë, bujanovcas, medvegjasë e të tjerë.

Në orën 11 gjithçka ishte gati për të filluar Konferenca shkencore e mirëpritur nga dashamirët e fjalës shkencore. Konferenca arriti këtë objektiv, bile një mik  nga Gjilani, Z. Hysen Këqiku, në urimin përgëzues tha se Konferenca ishte jo vetëm shkencore, por edhe akademike.

Konferencën e hapi moderatorja e re nga Medvegja, Z. Mimoza Aliu, e veshur me veshje kombëtare të Medvegjës.

 

Fjalën e rastit dhe e shpalli të hapur drejtori i Institutit Albanologjik, Z Hysen Matoshi.

 

Fjalën përshëndetëse e pati Ministri i Arsimit, Shkencës dhe Teknologjisë i Republikës së Kosovës, Z. Ramë Buja.

Z.Ramë Buja, Ministër i Arsimit, Shkencës dhe Teknologjisë së Republikës së Kosovës

Në protokol u parapanë edhe kryetarët ë Preshevës, Bujanocit dhe Medvegjës, por asnjëri nuk prezentoi, edhepse kryetari i Preshevës e konfirmoi ardhjen e tij në Konferencë. Deputeti popullor i ftuar, Z. Riza Halimi, për të cilin na thanë se ishte nëBeograd, kryetari i Këshillit Nacional, Z. Galip Beqiri ishte i zënë me disa takime të tjera.

Në Konferencë ishte prezent edhe Zëvendës Ministri i FSK, Z. Bejtush Gashi dhe kryetari i OVL-së së UÇPMB-së, Z. Ramadan Ismaili me delegacionin e tij, të cilit i kërkojë falje publike që nuk u përshëndet në Konferencë.

 

Fjalën e rastit të hapjes së Ekspozitës e mbajti kryetari i Shoqatës për Trashëgimi dhe Krijimtari kulturore i Luginës së Preshevës, Z. Xhemaledin Salihu.

 

Në konferencë u përshëndet ekipi i TV Preshevës, i cili ishte prezent ditën e parë të Konferencës, me Arditë Behlulin, redaktore përgjëgjëse.

 

Konferencën e përcolli me xhirim Bardh Mehmeti, kameraman dhe fotografoi Argëtim Emini gjatë dy ditëve. Me ta ishte i pandashëm edhe Mustafa Ahmeti.

Të gjitha pjesëmarrësit e Konferencës ishin të interesuar për një vijim të mirë të Konferencës, por le të më falin preshevarët, bujavnocasit dhe medvegjasit prezentë, sepse po i dallojë disa: mësuesin Haki Dalipi që gjatë dy ditëve përcolli me vëmendje Konferencën dhe ishte shumë krenar që edhe Shoqata ishte bashkëorganizuese e Konferencës me Institutin Albanologjik, bile ai ofroi edhe fjetje në shtëpinë e tij për ata që nuk ka ku të flejnë, profesorin, kujdestarin tim Raif Bajramin, që tha se e kemi obligim të jemi prezent këtu në Konferencë dhe Mexhid Mehmeti që gjatë gjithë kohës e përgëzoi Konferencën, për dallim të disa të tjerëve që janë ftuar, por nuk erdhën, bile edhe anëtarë të Këshillit drejtues të Shoqatës.Poedhe të tjerët nuk mbetën mangët në përgëzime.

 

 

Konferencën e përcolli edhe Legjenda e Kosovës, Z. Adem Demaçi që përgëzoi Konferencën, me një Ju lumtë. Ai mbajti një fjalim emocionues dhe mjaftë domethënës.

 

Për Konfrencën, punonjësi shkencor i Institutit, Z. Adem Zejnullahu tha se organizohen shumë Konferenca, po sikur kjo që ishte e sukseshme, shkencore dhe me përcjellës të shumtë të kumtesave/herave të tjera 3-4 përcjellës/ asnjëherë nuk kemi pasur.

 

Për fund po themi se Konferenca përmbushi objektivat e saj edhe për studime të mëtutjeshme, kështu menjëherë pas Konferencës u lajmërua punonjësa shkencore, Z. Exhlale Dobruna_- Salihu, që sakrificorja në Zhunicë dhe Gjilpëra, ëmblemë edhe e Shoqatës të jetë objekt studimi i ardhshëm i saj.

Konferenca e pati fillimin, zhvillimin dhe mbarimin normal të saj, duke i falënderuar organizimit të shkëlqyeshëm nga ana e Institutit Albanologjik, sidomos të drejtorit të Institutit, Z. Hysen Matoshit dhe ekipit të tij. Falënderime dhe përgëzime.

 

 

Preshevë, më 23 nëntor 2013

Kliko LIKE nëse të pëlqen artikulli

Leave a Reply

© 2014 KosovaLindore – Portal Informativ · RSS · Designed by Theme Junkie · Powered by WordPress