Home » Lajme, Rajonale » JAHJAGA: NIKOLIQ TË VENDOSË RAPORTE FQINJËSORE ME KOSOVËN

JAHJAGA: NIKOLIQ TË VENDOSË RAPORTE FQINJËSORE ME KOSOVËN

Zyra e Presidentes së Republikës së Kosovës konsideron se “zgjedhja e një presidenti të ri në Serbi është zgjedhje e popullit të Republikës së Serbisë, zgjedhje e një shteti fqinj, me të cilin Kosova mëton të ndërtojë marrëdhënie korrekte fqinjësore”.

Në një komunikatë për shtyp, Jahjaga citohet të ketë thënë se “ne jemi dy shtete të pavarura dhe sovrane që kemi pasur një të kaluar të rëndë, por që shpresojmë të ndërtojmë një të ardhme më të mirë për qytetarët tanë”.

Presidentja e Kosovës i bën thirrje presidentit të sapozgjedhur të Serbisë, Tomisllav Nikoliq, “ta bëjë atë që paraardhësit e tij nuk e kanë bërë; ta gjejë guximin dhe të ndërmarrë hapa për të vendosur marrëdhënie të mira dhe paqësore me Kosovën”.

Kjo, sipas saj, “do të ndihmonte që të dyja shtetet e pavarura, Republika e Kosovës dhe Republika e Serbisë, të ecin në rrugën e integrimeve evropiane dhe që popujt e të dyja vendeve të përcaktohen për të ndërtuar një të ardhme me prosperitet”.

Nga Express 21 Maj 2012

Leave a Reply

You must be Logged in to post comment.

© 2020 KosovaLindore · RSS · Designed by Theme Junkie · Powered by WordPress
ShqipEnglishDeutsch