Home » Lajme, Opinione » Apo po i bie në mënd pushtetit dhe politikës në Kosovë për 10 dhe 12 Qershorin

Apo po i bie në mënd pushtetit dhe politikës në Kosovë për 10 dhe 12 Qershorin

Nga Skënder S.KAPITI

Jemi në Qershor. Qershori ka dy ngjarjet më të mëdha monumentale në historinë moderne shqiptare . Ka 10 Qershorin e vitit 1878 të Lidhjes Shqiptare të Prizrenit, ngjarja më madhore shqiptare e cila njohu ndërkombëtarisht egzistencën e Kombit shqiptarë dhe e shtroi detyrimisht problemin kombëtar shqiptar për zgjidhje.  Lidhja e Prizrenit  lindi dhe nxiti Rilindjen Shqiptare; hapjen e shkollave dhe të arsimimit shqip. Me Lidhjen Shqiprare të Prizrenit për herë të parë shqiptarët lëvizën si komb; me të filloi epoka e lavdishme  35 vjeçare e luftës ushtarake, politike, diplomatike dhe strategjike e cila çoi në Kryengritjen e Përgjithshme të Pavarësisë së vitit 1912 kundër coptimit të trojeve shqiptare nga shovinizmi sllavo-grekoortodoks dhe Europa.

Po kështu ngjarja tjetër e madhe gjithshqiptare është 12 Qershori i vitit 1999, si dita e çlirimit të Kosovës nga kolonizatori serb, liri e cila erdhi  me ndihmen dhe ndërhyrjen vendimtare të  NATO-s dhe me  luftën çlirimtare të popullit heroik të Kosovës, e cila është de fakto edhe dita e Pavarësisë së Kosovës. Kjo është ngjarja tjetër e madhe me rëndësi  epokale sepse për herë të parë në historinë kombëtare të shqiptarëve,   shqiptarët patën përkrah botën demokratike perendimore, SHBA , Europën dhe NATO-n, i paten  ne ndihmë dhe në mbështetje të aspiratave kombëtare për liri dhe për pavarësi, madje  edhe ato shtete të cilat janë autorët e padrejtësive që u bënë shqiptarëve në vitin 1913, coptimin e trojeve shqiptare. Por nuk e di se a po i bie në mënd akademise,politikës, pushtetit dhe shtetit në Kosovë  por edhe atyre në Shqipëri për t’i përkujtuar ashtu siç e meritojnë këto dy ngjarje të mëdha , si më të rëndësishmet në historinë tonë kombëtare.

Leave a Reply

You must be Logged in to post comment.

© 2019 KosovaLindore · RSS · Designed by Theme Junkie · Powered by WordPress
ShqipEnglishDeutsch