Home » Lajme, Opinione » BASHA – INVESTIM SERIOZ POLITIK KOMBETAR

BASHA – INVESTIM SERIOZ POLITIK KOMBETAR

Dr.Albina Deda – depitete e PD

         Analizë –
 
Nuk mendoj se as kundërshtarët më të çartur të Lulzim Bashës mund të mohojnë faktin se ky është një personalitet shumë serioz politik, i kultivuar dhe me principe moderne konservatore dhe nacionale. Po ashtu, asnjë demokrat apo opozitar tjetër, nuk ka arsye të dyshojë se Basha nuk e përfaqëson një shkollë e doktrinë politike, e cila do ta çmontojë doktrinën e mbrapshtë sunduese për një çerek shekulli në këtë vend.
 
Atëherë përse nuk u materializuan parimet Basha për t’u përkthyer e konvertuar në votë më 25 qershor? Përveç ngutisë pregatitore elektorale të diktuar nga ngjarje e kontekste që nuk vareshin nga Basha dhe Opozita, përveç vjedhjes, shantazhit e intimidimit electoral, ishe krimi i organizuar që i shndërruar gati në institucion e pushtet legjitim në Shqipëri që egërsisht me supermanovra, diktoi humbjen tonë.
 
Shtrohet pyetja: Përse ky angazhim kriminal?! Përgjigjja dihej. Lulzim Basha në katër vite opozitë jo vetëm denoncoi nominalisht krimin, por e skanoi atë me gjithë lakuriqësinë e vet. Shikoni miq sesi çdo ditë edhe në institucionet e drejtësisë po konfirmohen me prova lidhjet e shkurtëra të Shullazërisë kriminale me piramidën e pushtetit. Paralelisht me krimin e drogën dhe reaksionin e tyre elektoral u angazhua si asnjëherë më para cash edhe oligarkia korruptive e tenderave e konçensioneve si dhe gjithë anturazhi nepotik i piramidës politike të mazhorancës. Sado që Basha dhe Opozita luftuan jo vetëm por dhe haptazi mazhoranca nuk e privoj dot elementin e njohur kriminal edhe të konkuronte. Shkodra, Dibra, Elbasani etj nuk lënë dyshime për ekuivoke.
 
A mund të bënte Basha dhe Opozita diçka më tepër. Përgjigja ime është kategorike: “Jo”. Basha udhëhoqi një revolucion të urtë e të vendosur principesh, vlerash e kauzash demokratike dhe jo revolucione të dhunshme kriminale si ai i Zanit e i Arben Imamit!
 
Në këto kushte ky pushtet që pritet të instalohet është më i pështiri dhe më i vështiri për të qëndruar dhe qeverisur, ndonëse ka vota e numra të supërmjaftueshme.
Arsyetimi im duket paradoksal, por ju siguroj se nuk ka asgjë më real: Mazhoranca e dalë nga 25 qershori kurrë nuk do mund të mbarojë këtë mandat kriminal. Përveçse do ketë përballë opozitën, ajo do përballet me vetë popullin dhe të drejtën e tij të Zotit për mbijetesë.
E vetë shqiptarët kanë tashmë të formëzuar një lider shumë serioz, Lulzim Bashën, i cili përditë po dëshmon se është lider i kauzave të mëdha. Ai ka indentifikuar veten me prova se shkon përtej partishmërisë duke synuar t’i bëjë nderin e domosdoshëm Shqipërisë.
Me pak fjalë, Basha, është jo një investim strikt partiak, por risi e investim i rëndësishëm nacional. Dhe të tilla investime nuk vijnë shpesh në teknologjinë e një vendi të vogël me demokraci të brishtë siç ne jemi. Në këto kushte nga të gjithë pritet reflektim kombëtar dhe jo sulme meskine, pritet të suportohen vlerat dhe jo me ose padashje të rradhitemi në ushtrinë kriminale politiko-ekonomike, e cila është jo vetëm e identifikuar, por dhe e rrethuar për t’u shkatërruar. Ata interesaxhinj e kalem-analistaxhinj që sulmojnë Bashën e servilosen të sulltanati kriminalo-despotik le të marrin këshillën time modeste si demokrate e politikane: Mbajeni mirë mend shprehjen e vjetër të popullit tonë të mençur që buron prej eksperiencës së shekujve: “Zullumi këputet tek pjesa më e trashë”. Tashmë kjo këputje ka filluar.

Leave a Reply

You must be Logged in to post comment.

© 2020 KosovaLindore · RSS · Designed by Theme Junkie · Powered by WordPress
ShqipEnglishDeutsch