Home » Lajme » Daçiq: Kosovën duhet me e nda mes Serbisë e Shqiprisë

Daçiq: Kosovën duhet me e nda mes Serbisë e Shqiprisë

Kosovën duhet me e nda mes Serbisë e Shqiprisë, deklaroi zavendëskryeministri i Serbisë dhe Ministri i Punëve të Mbrendshme të Serbisë, Ivica Daçiq, për revistën beogradase “NIN”. “U mundum me luftë me e mbrojtë Kosovën, nuk mujtëm. Dhe prandaj flas për përkufizimin, derisa s’u ba vonë. E kjo domethanë korrektimi i kufijve mes dy shteteve – Serbisë dhe Shqiprisë”, tha Daçiq. Dacic mendon se Serbia e ka bë një gabim të madh që për Kosovën s’ka folë me Shqiprinë, dhe se i vetmi opcion real asht “përkufizimi i vijës kufitare mes Shqiprisë dhe Serbisë”. “Serbia s’ka guxu me njoft askend tjetër si bashkebisedues pos Shqiprisë. I pyetur pse po mendon se ësht më lehtë me e nda Kosovën mes Shqiprisë dhe Serbisë, sesa me e nda mes Qeverisë së Kosovës dhe Serbisë, Dacic tha se shqiptarët në Kosovë janë pakicë kombëtare e Shqiprisë. Ai tha se dialogu mes Prishtinës dhe Beogradit s’ka me i zgjidhë çashtjet thelbësore të konfliktit shkaku i qëndrimit të vendeve të Unionit Europian dhe SHBA, dhe se më së shumti që ky dialog ka me sjell është “një lloj autonomie speciale për serbët e veriut.

RTV Presheva

2 Responses

  1. artini thotë:

    Po do te ndahet Serbija atje te molla e kuqe se nje dite atje do te mberrim.

  2. profi thotë:

    PANORAMË PARAZGJEDHORE NË LUGINË TË PRESHEVËS

    Serbia i shpalli zgjedhjet lokale dhe parlamentare për 06 maj 2012.
    Liderët e partive politike shqiptare të Luginës të ndarë dhe pa koncept kombëtar.
    U bojkotua regjistrimi i popullsisë në Luginë me arsye dhe argumente valide.
    Tani, Serbia nuk duhet të organizojë dhe pranojë zgjedhjet, pasi nuk dihet numri i zgjedhësve në Luginë, nëse nuk ka ndonjë interes nga to. Dhe, këtu tani paraqitet dilema , e cila nuk do shumë mend të kuptohet, që shqiptarët t’i kenë në sistem, përmes një apo dy deputeti edhe pse ata asnjë të mirë nuk mund t’i sjellin popullit. Këtë vazhdimisht e pohon edhe vetë deputeti në parlamentin serb. E mira e gjithë kësaj është se ky post paguhet.
    Në Preshevë nuk ka numër të saktë të popullsisë , gjegjësisht të zgjedhësve. Në listat zgjedhore jo adekuate figurojnë zgjedhës që nuk jetojnë në adresa të shënuara etj. Edhe kjo jep lehtë të kuptohet. Të mundësohet manipulimi me rezultatet e votimit, çka Serbisë kjo i konvenon-sepse për deputet e bie deputetin e vet.
    Serbia përveç tjerash si mashtruese, por tani shumë e tejdukshme, me aklamacionin e lidershipit tonë, formoi Trupin Koordinues , me premtim se do t’u ndihmojë këtyre, në zhvillimin ekonomik e të mira të tjera- ( të jenë më afër tyre ), mos t’i lënë të gabojnë ( shumë e kuptueshme ) pasi që “ shqiptarët nuk dinë të menaxhojnë me situatën dhe me mjetet”. Në fillim pa shqiptarë e dikur me ata “ të moderuar”.
    Kështu, qëllimi u arrit por sukseset munguan. Liderët mbetën aty dhe ashtu siç ishin, kurse populli i varfëruar , i rrezikuar e me shumë halle.
    Me Këshillin Nacional , Serbia po ashtu ia arriti qëllimit se shqiptarët e Luginës “ i bëri zot të vetvetes sepse ata s’kanë nevojë për Kosovë e Shqipëri “, pasi kujdestar nga ta u zgjodh Serbia.
    Tani, Këshilli Nacional, u avancua dhe si Komision Kadrovik i dikurshëm, për postet udhëheqëse të shqiptarëve dhe për punësim.
    Këshilltarët shqiptarë të tri komunave të Luginës së Preshevës, mblidhen sipas rastit, dëshirës e qëllimit të Liderëve, ku dilet me deklarata politike që përfundojnë pa asnjë efekt.
    Deklarata e fundit politike, u kërcënua nga Ivica Daçiqi me masa represive shtetërore. Shqiptarët nuk e thanë asnjë fjalë të vetme.
    Kjo çka u tha, e më shumë çka nuk u tha, nga panorama parazgjedhore dhe politike në Luginë , të bën të pyesësh se ku dhe kah po shkon Lugina, a ka ky Lidership Program Politik Kombëtar dhe a është deklaratë e këndshme e tyre se shqiptarët e Luginës kërkojnë atë çka u jepet serbëve të Kosovës.
    Thuhet se përgjigjen e pyetjes e di pyetësi. Atëherë, unë konstatoj se jemi larg dhe jashtë kërkesës së drejtë të popullit tonë dhe se nuk jemi duke vepruar konform qëllimit dhe idealit kombëtar, së paku në këtë situatë dhe kohë.
    Mendoj se veprimi i vetëdijshëm dhe me kohë është i vlefshëm.

    Mr.Eroll Sejdiu

Leave a Reply

You must be Logged in to post comment.

© 2020 KosovaLindore · RSS · Designed by Theme Junkie · Powered by WordPress
ShqipEnglishDeutsch