Home » Lajme, Rajonale » Dy tërmete dridhen Shkupin

Dy tërmete dridhen Shkupin

Sipas njoftimeve, një tërmet prej 2,4 shkallë sipas Rihterit sot pasdite është regjistruar në Shkup dhe në rrethinë. Edhe një tërmet tjetër është regjistruar në mesditë .

shenimet-seizmikePas një qetësie disa ditore, dy tërmete me intensitet të ulët e kanë goditur sërish kryeqytetin e Maqedonisë-Shkupin. Sipas njoftimeve, një tërmet me magnitudë prej 2,4 shkallë sipas Rihterit sot pasdite në orën 15:56 minuta është regjistruar në Shkup dhe në rrethinë.

Observatori sizmologjik pranë Fakultetit natyror-matematikor në Shkup informoi se epiqendra ka qenë në pjesën lindore të rajonit të Shkupit. Por, gjithashtu në orën 13 e 20 ishte regjistruar tërmet me magnitudë prej 1.9 ballësh sipas shkallës së Rihterit.

Këto dy tërmete të ditës së sotme vijnë pas disa lëkundjeve që ndodhën javën e shkuar. Tërmeti më i fuqishëm i këtyre ditëve ishte 4.4 shkallë të Rihterit, që u regjistrua me 11 shtator. Ky tërmet shkaktoi panik të madh tek qytetarët, një nunër i të cilësve kanë fjetur nën tenda nga frika se po përsëritet viti 1963.

Ndryshe, rajoni i Maqedonisë, Kosovës dhe një pjesë e Serbisë së Jugut janë të rrezikuara nga dridhjet e tokës. Në Shkup, disa qytetarë të moshuar akoma e kanë të freskët tërmetin tragjik që ndodhi në vitin 1963, i cili la të vdekur më shumë se 1000 persona, ndërsa u lënduan 3.000 të tjerë.

Atëbotë nga tërmeti u shkatërruan 15.800 ndërtesa dhe u dëmtuan 28.000 të tjera. Mbi 200.000 persona mbetën pa kulm mbi kokë. Nga tragjedia e Shkupit u trondit dhe u angazhua e gjithë bota.

Leave a Reply

You must be Logged in to post comment.

© 2021 KosovaLindore · RSS · Designed by Theme Junkie · Powered by WordPress
ShqipEnglishDeutsch