Këshilli Kombëtar Shqiptar  në Shtëpinë  e  Kulturës “Abdulla  Krashnica”, në Preshevë  ka organizuar ekspozitë ku pjesëmarrës me punimet e tyre  ishin nxënësit e shkollave fillore  dhe  ata  të  shkollave  të  mesme  të  Luginës  së Preshevës.   

 Ata kishin  paraqitur punimet e tyre në këtë ekspozitë e cila mblodhi rreth vetes një numër të madhë të nxënësve, arsimtarëve , profesorëve , dhe qytetarëve  të shumt.
Punimet e paraqitura në ekspozitë u vlersuan nga komisioni i cili përbëhej nga  profesorët:  Shezai  Sahiti,  Xhevdet  Dula, Seude Selimi,Zija Amidi, Avni Zairi, Imran Shabani  dhe  Musa Gjymshiti .

Hapjen e kësaj ekspozite e bëri Kryetari i Këshillit Kombëtar Shqiptar z.Galip Beqiri i cili I falenderoi të pranishmit  dhe shprehu brengën e mos pjesëmarrjes së disa shkollave në këtë ekspozitë.Gjatë ceremonisë së ndarjes së çmimeve vuri theksin  në kontributin e paçmuar që japin arsimtarët shqiptarë në çdo shkollë të vendit. Ndërkaq, nxënësit I përgëzoi për punën e bërë dhe I dëshiroi  suksese të  mëtutjeshme. Sipas tij, Këshilli Kombëtar Shqiptar  do të vazhdoj me aktivitete të  tjera për nderë  të 100 vjetorit  të Pavarësisë  së Shqipërisë.

Fituasja e  cmimit të parë nga shkollat e mesme  Puhiza  Hyseni  shprehet e kënaqur me këtë çmim dhe thot se do të vazhdoj edhe më  tutje  të  vizatoj e pikturoj që  të  merr  pjesë  në  gara të  ndryshme.

Zijah  Amidi anëtar I komisionit  për  vlerësimin e punimeve  më  të  mira, ndahet I kënaqur nga ky organizim  si dhe me vizatimet dhe pikturat  që  kanë  paraqitur këta   nxënës  të  shkollave  fillore  dhe  të  mesme në  Preshevë.

Në  këtë  ekspozitë  janë  ndarë shpërblime për fituesit. Nxënësit  fitues nga shkollat e mesme janë:  Puhiza  Hyseni – gjimnazi Skenderbeu ne Presheve, vendi  I pare  dhe  Vanesa Ramadani  nga  shkolla  e mesme  Sezai  Surroi  ne Bujanoc, vendi I dyte.

Nxenësit  fitues të  shkollave  fillore janë:  Lisina Dulaj nga sh.f.”Naim Frashëri”, vendi I parë,  Fatime Shabani nga sh.f. “Abdulla  Krashnica”, Miratoc- vendi  I dyte, Edon Fazliu nga sh.f. Prof.”Ibrahim Kelmendi” – Preshevë, vendi I tretë. Ndërkaq u ndanë edhe  dy shpërblime  për nxënësen Shkurte Mehmedaliu nga  sh.f. “Muharrem Kadriu”, në Ternoc  dhe për  Arta Veselin nga shkolla fillore “Desanka Maksimoviq” ne Bilac.

Punimet më të mira të shkollave fillore  dhe  të shkollave të mesme do të dërgohen në Ministrinë e Kulturës , në Tiranë. Ishte ky aktiviteti i radhës i Këshillit Kombëtar Shqiptar për nderë të 100 vjetorit të Pavarësisë së Shqipërisë.