Home » Sport » Euro 2012, përcaktohen vazot

Euro 2012, përcaktohen vazot

Pas përfundimit të ndeshjeve të play-off-it, Euro 2012 njeh tashmë 16 përfaqësueset pjesëmarrëse në këtë kampionat europian që do të zhvillohet në Poloni dhe Ukrainë.

Portugalia, Irlanda, Kroacia dhe Republika Ceke kanë fituar katër vendet e fundit.

Portugalia dhe Kroacia do të jenë në vazon e tretë, ndërsa Republika Ceke dhe Irlanda në vazon e katërt, aty ku gjendet edhe Franca në një shpërndarje paksa të habitshme që vjen për shkak se mikpritëset e turneut (Polonia dhe Ukraina) duhet të jenë në vazon e parë.

Vazoja e dytë do të jetë e përbërë nga ekipe shumë të forta: Itali, Gjermani, Angli dhe Rusi.

Do të ketë 4 grupe me nga 4 skuadra dhe në secilin grup do të ketë një ekip nga çdo vazo.

Shorti do të hidhet në datën 2 dhjetor në Kiev të Ukrainës.

Ja përbërja e vazove nga ku do të përzgjidhen ekipet:

Vazo 1: Spanja, Hollanda, Polonia dhe Ukraina

Vazo 2: Gjermania, Italia, Anglia, Rusia

Vazo 3: Kroacia, Greqia, Suedia, Portugalia

Vazo 4: Danimarka, Franca, Irlanda, Republika Ceke

Leave a Reply

You must be Logged in to post comment.

© 2020 KosovaLindore · RSS · Designed by Theme Junkie · Powered by WordPress
ShqipEnglishDeutsch