Home » Lajme, Sport » Euro 2012, Spanja gjunjëzon Italinë

Euro 2012, Spanja gjunjëzon Italinë

Spanja shpallet kampione e Europës duke shkatërruar dhe turpëruar në ndeshjen finale Italinë e Prandelit. 

Kampionët mundën me rezultatin e thellë 4-0 Italinë, duke dhuruar emocione të jashtëzakonshme për tifozët spanjollë dhe hidhërim e trishtim të thellë te ata italianë.

Askujt nuk ia kishte marrë mendja që nje ndeshje finale e një kampionati Europian të përfundonte me këtë rezultat gjunjëzues për Balotelin dhe shokët e tij.

Golat për spanjollët u shënuan në pjesën e parë nga David Silva dhe Jordi Alba, në minutën e 13-të dhe të 40-të, ndërsa në pjesën e dytë nga Fernando Torres dhe Mata, në minutën e 83-të dhe 87-të.

Në radhët e italianëve në këtë takim u dëmtuan Chiellini dhe Motta, megjithatë këto mungesa nuk mund të justifikojnë humbjen e hidhur për italianët.

Edhe mediat italiane e kanë komentuar fitoren e spanjollëve të merituar, e me siguri gjatë ditës së hënë do të gozhdojnë super Marion dhe të gjithë kolegët e tij.

Leave a Reply

You must be Logged in to post comment.

© 2020 KosovaLindore · RSS · Designed by Theme Junkie · Powered by WordPress
ShqipEnglishDeutsch