Home » Opinione » Feja dhe shamia, jo në shkollat shqipe

Feja dhe shamia, jo në shkollat shqipe

Fahri Xharra

 

Fillimi i mijëvjecarit të tretë ende na detyron të nxjerrim mësime nga ndodhirat e

pakëndshme që ne kemi kaluar. Është shumë interesante të theksohet se derisa

Rilindësit tanë mundoheshin me të madhe dhe me krejt qenien dhe dijen e tyre të

na drejtojnë drejt zgjimit tanë dhe ky ishte aksioni më i madhi dhe më i gjeri politik

dhe kulturor; në ditët e sodit na dalin “ Rilindësit “ e rinj të cilët mundohen të na

kthejnë pas, aty ku ishim para 100 vjetësh. Ne duhet ta dimë që me futjen e fesë dhe

shamisë në shkollat tona e bëjmë jo vetëm përçarjen e kombit por edhe indoktrinimin

e të rinjve me një të paardhme.

Nuk guxojmë që me mënyrën tonë individualiste të jemi një xeherore e pafundme

për të sjellë egoizëm: egoizëm fetar. “ Nuk jemi popull i vogël “, thotë Kadareja; jemi

shumë të mëdhenj që të  mbesim ata që jemi. Çfarë parafytyrimi kanë shqiptarët për

vetveten? Fytyrën e mirë ose të keqe për ne nuk mund ta bëjnë as zyrtarët tanë, por

as pështjelluesit tonë, as nacionalizmi i tepruar por as mohuesit e tij, as diplomatët

mendjelehtë e as gazetarët e opinionistët e porositur, të gjithë të etur për lavdi e para

pa marrë parasysh mënyrën.

Kultura dhe mendimi i një populli qëndron në një lashtësi të shquar, por që përpiqet

ta ngrejë lart gjithë kombin. Ne na duhet duhet që shkollat tona të jenë centropetale

në edukimin tonë. Çdo futje e fesë në shkolla i aktivon forcat centrifugale që na

bëjnë të ikim nga ajo që jemi; e kjo e sjell vetëm një gjë: kthimin prapa.

Nëse, ne duhet të punojmë për të mirën e kombit, për pastrimin tonë shpirtëror duhet

të punojmë që t’i bindim që të gjithë të rrokemi pas një gjëje konkrete, të prekshme

dhe që na bën nder në mesin e kombeve të cilivizuara. Ç’më duhet mua që fëmijën

tim ta kthej mbrapa në besimin se bota është e rrafshtë, në besimin e buallit që

mban botën dhe çdo lëvizje e tij i krijon tërmetet, në besimin se shkolla e Darvinit

mbi evolucionin ishte e gabuar?

“Memorandumi për Shqipërinë“, i shkruar nga princ Vidi nga mbarimi i vitit 1917,

e i mbetur vetëm si dorëshkrim në Bibliotekën e Këlnit , paraqet më shumë se një

rrëfim të një personaliteti të rëndësishëm, i cili në një kohë tepër kritike për fatet

e Shqipërisë, do të pranojë të vihet në krye të saj me qëllimet më të sinqerta që

t’i ndihmojë bërjen e saj shtet evropian. Kështu shkruan Jusuf Buxhovi në librin e

tij : “Nga Shqipëria osmane te Shqipëria evropiane”.

Të bën përshtypje të madhe kur princ Vidi këtu kërkon përveç tjerash edhe bërjen

e shkollave të mira. I njoftuar mirë që ishte dhe i bindur se mund të ketë grindje

të brendshme fetare kërkonte që shkollat të mos bëhen vatra të përhapjes fetare.

Shumë interesant është të theksohet se në kohen e tij në programin e tij qeveritar

ai kërkonte që shkollat të bëhen vatra të edukimit të të rinjve shqiptarë për çështje

të mbara dhe për edukimin pro evropian. Normalisht që në memorandumin e tij ai

kërkonte që fetë të jenë të lira, por ai ishte kundër kërkesave të huajve që me anën e

fesë ata të arrijnë ndikimin në riformimin e popullit tonë.

E njëjta gjë është edhe sot në Kosovë, që fesë dhe predikimit të saj të lirshëm i

është bërë i mundshëm, por atë duhet kufizuar me një kusht që të mos na çorientojë

busullën tonë evropiane.

 

 

 

 

 

 

 

 

 

 

Krizën e moralit kombëtar dhe kthimin e humbjes së vlerave të tij nuk e rregullon

futja e fesë në shkolla, ajo në të kundërtën shkon në thellimin e tyre. Krizën

materiale, varfërinë ekonomike dhe mendore, lakminë e fitimit të shpejtë pa marrë

parasysh rrugën dhe mjetet e sollëm vetë ne me mënyrën tonë të bërjes së shtetit.

Kur shpirti i një kombi stërkeqet nga varfëria e nga lakmia, nuk ka asnjë bindje

fetare që mund ta shërojë atë. Vetem kamja mund t`a ndritë mendjen.Nuk ka

nevojë që t’i bindim edhe bashkatdhetarët tanë nëpër Evropë nga misionarët tanë

se si të largohen nga e keqja; kur ata jetojë në vende moderne aty ku dihet se si

ndahet “shapi nga sheqeri” .

”Në Zot ne besojmë” , per shqiptaret ai zot është musliman ,katolik, protestan,

ortodoks, Baptist…Ne… Me futjen e fesë në shkolla atëherë secili duhet të mësojë

varësisht nga ora që e ndjek nga predikuesi i uniformuar që shkon aty të bindë të

rinjtë se Zoti është vetëm i tyre dhe se zoti i të tjerëve nuk është për t’u përmendur.

Ndasi të panevojshme. Ndasi të qëllimta. Nuk ka nevojë!

Rryma përparimtare që e ka kapluar shoqërinë shqiptare në përgjithësi, duhet te jetë

aq e fortë sa që edhe ata që mendojnë ta kthejnë rrotën e historisë prapa duhen ta

kenë të kotë.

Qysh në vitet e 50`ta të shekullit të kaluar ishte aprovuar Ligji për ndalimin e bartjes

së ferexhesë dhe mbulimit të fytyrës së femrës.

Me ligj ndalohej çfarëdo detyrimi apo bindje e femrave për të bartur ferexhe,

gjegjësisht për ta mbuluar fytyrën, si dhe çfarëdo mbështetje që i bëhej bartjes së

ferexhesë dhe mbulimit të fytyrës. Ndërkaq me punë të dhunshme, para të mëdha,

apo burg të gjatë dënoheshin ata që detyronin apo cytnin femrën në diçka të tillë.

Fatbardhësisht që këso ligjesh as që janë të nevojëshme të propozohen, pasi që

vetëdija e botës sonë mashkullore dhe emancipimi i femrës shqiptare janë shumë të

larta. Kemi kulturën, traditën tonë që e kemi kultivuar brez pas brezi e me gjenerata

të tëra.

Interesant është të theksohet se edhe Naim Frashëri, një ndër apostujt më të

mëdhenj të Shqiptarisë, e ka dashur me zemër të përvëluar përparimin e Shqipërisë

dhe lartësimin e kombit shqiptar.

Ja se çka kishte shkruar Naimi :“ Të mbuluarit dhe të mshehurit e fytyrës së

gruas s`ka qenë në kohën e profetit por është shpikur më vonë. Ndalim i madh në

përparimin e një kombi! Si mund të vë mbroth një komb kur gratë domëthënë gjysma

e njerzisë rronë e mbyllur si në kuvli? Si mund të jetë i zgjuar një komb pa pasur

në vijë jetën e shtëpisë e të fëmisë dhe këto qysh bëhen kur burri rrin veç gruas?

Ç`dashuri, ç`arsye mund të mësojnë e të marrin djemtë në një familje të tillë…Gruaja

duhet të jetë më shumë se burri e arsimuar se fëmija së pari e marrin mësimin nga

nëna… Gruaja është meme e fëmijës, zonjë e shtëpisë dhe e krejt njerzisë.”

Një nga të mbeturat më të shëmtuara të botës së vjetër është pa dyshim ferexheja

që mbulon gruan myslimane. Dhe siç thotë Tajar Zavalani (Bota e re, nr. 14, 1936): “

S`na shkon nga mendja se ka burra që i thonë vetes të dijshëm dhe duan të ecin

hap më hap me kohën dhe guxojnë të dalin publikisht e të përligjin me argumente

serioze fshehjen e gruas brenda një perdeje të zezë.”

Pastaj Tajar Zavalani vazhdon: ” Të merremi vesh mirë, ç`kuptojnë me fjalën

qytetërim, dhe a mund të jetë i qytetëruar një skllav? I pari fitim i qytetërimit është

triumfi i lirisë personale. Gruaja myslimane është skllave e burrit deri sa ky e detyron

të dalë e mbuluar.”

– Ndoshta femrës shqiptare i pëlqen të dalë e mbuluar? Kjo është një fyerje për

gocën, vajzën, gruan, femrën tonë e cila ka dëshirë të zjarrtë të jetë e lirë dhe e

qytetëruar si çdo krijesë njerëzore që jeton në këtë milenium. A thua me të vërtetë

shamia, çarçafi, ferexheja e ruajnë namuzin e femrës? Nga përvoja në shtetet arabe

e aziatike mbulimi sjell vetëm shëmtim që bie në sy, shëmtim nga zgjedha e shpikur

nga shpirtrat sadistë.

Këtu në trevat shqiptare nuk duhet të kthehemi prapa dhe të lejojmë krijimin e

një krijese fatkeqe që të këput shpirtin. Çfarë aftësie mund të ketë ajo për të rritur

fëmijë. Ata fëmijë që do të jenë shpresa e së nesërmes së këtij vendi. Trashëgimia e

atdheut dhe krenaria e kombit.

Dija, në romanin e Haki Stërmillit në ditarin e saj thotë: ”Sikur t`isha djalë do t`i

tregojsha botës mashkullore se dora që e përkund djepin është ajo që e rrotullon

boshtin e fatit të njerëzisë, sepse ajo, vetëm ajo e drejton jetën kah horizontet e

ndritura. Femra myslimane e mbyllur brenda katër mureve asht e mpitë, e dobët dhe

e pazhdrivillueme, sepse asht shtypë e mbytë nga zgjedha e randë e nji edukate

që nuk këshillon e nuk porosit tjetër veçse ndalimin: mos prek,mos fol,mos dil,mos

qesh ,mos e mos e mos”.

Kur ne i hapim derën, atëherë të huajt mezi s`presin të na japin leksione. Njëfarë

ndëkombëtari Juerg Loneburg paska pas thënë se ferexheja na qenka pjesë e

kulturës shqiptare.

Jo vetëm atij, por edhe bashkëkombasve të mi u them se çarçafi e ferexheja janë

kulturë turko-arabe që ka pasuar me zgjerimin e Perandorisë Osmane, islamizimi

i të cilit është kryer deri në fund të shekullit të 19`të. Feja e besimi është çështje

shpirtërore individuale. Duhet të vëmë në rend të parë kombin. Pra se jemi shqiptarë

dhe të punohet shumë në uljen e tensioneve ndërfetare tek shqiptarët.

Duhet të jemi shumë syhapur dhe të urtë ndaj ndikimeve dhe rrymave radikale fetare

të cilat këmbëngulin në tjetërsimin e identitetit tonë shqiptar. Përndryshe nuk do të

jemi më ata që jemi sot.Louis Hyacinthe Heckard në librin e tij “Historia dhe përshkrimi i Shqipërisë sëEpërme” (Paris, 1858) thotë: “ Në asnjë vend të botës femrat nuk janë më të

respektuara dhe nuk ushtrojnë një veprimtari më të fuqishme se shqiptaret dhe

nënat shqiptare..”

Pra, në rrethin shpirtëror, në zotërimin e vlerave të krijuara, ne ,

asnjëherë nuk iu kemi pasur lakmi të tjerëve. Duke mos u pasur lakmi të tjerëve, ne

nuk iu kemi as mëni as zili për të huazuar nga ata gjëra të cilat na shkojnë ndesh me

krenarinë tonë dhe uniken tonë në botën ku jemi.

 

 

Fahri Xharra

 

One Response

  1. luginaa thotë:

    Te lunte e Fahri Xharra. Shnet paç te don Luginaa.Shtue mbrohet shqiptaria.
    Mire po thue o Fahri, edhe Rikindasit tone e mbrojten shkollen nga feja dhe shamia. Po na kane dale do te axhami me mjekrra e pantollona tre fertal, e po na sjellin kulture, edukate islame demek arabe. Po jo more kemi kulturen tone shekullore, edukaten tone. Kanunin e zakonet tona, nuk na duhen ato arabe. Mesimi fetar po po allahile jo edukate islame, po edukate qyteteruese.Allahile do emna Fekrra, mekrra, kemza, memza, nuk i kuptoje ama hic, noshta jam plak e keq po halladidi.O shqiptare kemi emna tone Agim, Bekim, etjere, Po edhe baballaret tone memzi e hoqen ferexhen sa ma rrok rradakja kah vitet 55, e tash apet po na lajmerohen kto. Jo allahile shkolla duhet te jete e pa ndikueme nga politika po edhe nga feja, jasht shkolles shamite e zeza dhe feja.Na shiptaret duhet te shkollohemi se fe do te kemi kurdo. Jemi shume mas botes.Bora islame arame me 1,5 miliarde njerezi kish vetem 2-3 nobelista, kurse jahudite me 14 milione kishin 180 nobelista.
    Katastrofe. Po thote mixha jashte shkolles feja dhe shamija.
    Me shnet luginaa

Leave a Reply

You must be Logged in to post comment.

© 2020 KosovaLindore · RSS · Designed by Theme Junkie · Powered by WordPress
ShqipEnglishDeutsch