Home » Lajme, Vendore » FLAKA E LIRISË

FLAKA E LIRISË

Muaj i parë në Kalendar

Nuk është tjetër veç Janar

Që fillon me Flakadanë

Anë për anë nëpër Gjilan

 

Flakë e ndezur xixa stralli

Nuk luhatet për së gjalli

Sa t’ketë jetë deri n’amshim

Rron i freskët një kujtim

 

Me jehonë nëpër breza

Për heronj dhe varreza

Një lavdi burrave të dheut

Që i lanë një nam Atdheut

 

Brez pas brezi fitil flake

Nuk u zbehe nuk u plake

Rron si gaca prush i gjallë

Për një jetë me ideal

 

Me homazhe për dëshmorë

Vazhdon marshi kulturor

Për një Komb e një Flamur

Varri i trimit ndrit si nuri

 

Sevdail Hyseni

 Flaka e Janarit

(Poezi kushtuar manifestimit, tashmë, tradicional “Flaka e Janarit”, në Kosovë e Maqedoni, e cila mban të freskët në kujtesë luftën heroike të brezave tanë ndër shekuj)

Leave a Reply

You must be Logged in to post comment.

© 2019 KosovaLindore · RSS · Designed by Theme Junkie · Powered by WordPress
ShqipEnglishDeutsch