Home » Lajme, Opinione » Fraksioni politiko-kriminal i EULEX-it me policët serb akuzon Grupin e Dobrosinit

Fraksioni politiko-kriminal i EULEX-it me policët serb akuzon Grupin e Dobrosinit

Për mua si i akuzuar politik nga Serbia, përmes  prokurores  së Fraksionit politiko-kriminal të EULEX-it, është  e qartë, që   është  duke  vazhdu ende  ndjekja   politike! Prokurorja e  Fraksionit politiko-kriminal të EULEX-it, është  duke  bërë spektakël, ngaqë kërkon  sjelljen  e një  dëshmitari i cili është  polic i Serbisë, që  fabrikon  Serbia dhe kjo prokurore  që  unë  gjoja e  paskam  plagos, në  veprimet  ushtarake në Dobrosin të  komunës së Bujanovcit! Këtë  është  duke  e bërë, me qëllim që t’a manipuloj   trupin gjykues, që të  bëjnë  të  besojnë  kinse ja sesa serioze është  rasti! Duke  e  ditur  që  mafia politiko-kriminale  brenda  EULEX-it, e lidhur drejtëpërdrejt  më  Serbinë,  është “peshkaqeni” i gjithë  “peshqve të mëdhej “ të krimit në Republikë të Kosovës, me siguri dhe  arsye  dyshoj që edhe gjykimi do mbaroj  me  gjykim  politik( siç edhe  ngjau tashmë me  aktgjykimin e  Gjykatës Themelore në Gjilan  dhe  në Gjykatën  e Apelit në Prishtinë)!

Më 08.02.2017, në seancën  gjyqësore të Gjykatës Themelore në Gjilan, Prokurorja  e Fraksionit politiko-kriminal të EULEX-it Najgerzo Valeria Bolici,  propozon sërish që  të  sjellet si dëshmitar  polici serbë, që  gjoja  qenka i plagosur, Branisllav Markoviq!

Figure 1: Pjesë e shkëputur  e procesverbalit të seancës  gjyqësore të  Gjykatës Themelore në Gjilan të datës 08.02.2017

Kjo prokurore  në arsyetimin e  saj, të varfër  në  bazë  ligjore dhe jo profesionale  për një profesionist të kësaj lëmie, tregon nënrreshta që ky është  urdhër që asaj i ka  ardhur! Thekson që Gjykata Supreme ka  dhënë vendim vetëm  për   vepren penale të  sulmit terrorist( kujto që  unë isha  dënuar politikisht  për  terrorizëm sipas nenit 135 pika 1.10 “ përvetësimi i pautorizuar, mbajtja në pronësi, kontroll, posedim ose përdorim të  armëve, eksplozivit ose  armëve  nukleare, biologjike ose kimike, ose  hulumtimet për ose ndëtimi i  armëve  biologjike ose kimike në shkelje të  neneve  176, 369-377 të këtij Kodi; e jo edhe për  ndonjë pikë tjetër  të  këtij neni-absurditet  total!), derisa aludon  që  shkaktimi i rrezikut të përgjithshëm si element i  vepres penale të terrorizmit, i theksuar në pikën 1.7 të nenit 135 të Kodit Penal të Republikës së Kosovës!

Figure 2:Pjesë nga procesverbali të seancës  gjyqësore të  Gjykatës Themelore në Gjilan, të datës 08.02.2017

Kryetari i Trupit  Gjykues, kërkoi  që ky  dëshmitar( polici i serbisë)  mund të sjellet  vetëm  në përputhje  me ligjin, përmes Ndihmës Juridike Ndërkombtare, e jo siç ndodhë  shpesh  që  EULEX ( më saktësisht nga Fraksioni politiko kriminal i EULEX-it- shtesë nga unë, sepse zyrtarët  e EULEX-it që janë nga vendet  demokratike dhe  nga  ato  që janë  pro Shtetësisë së Kosovës, i respektojnë  Ligjet  e  vendit tonë!). Prokurores disa herë i është  bë  pyetje  mbi arsyen  e  sjelljes, duke  i’a bë  me  dijeni  që Gjykata  Supreme  ka kthy lëndën  në favor të të akuzuarve, e  s’mund të   shkelet  parimi Reformatio in peius( neni 395 të KPPRK-së!). Ky dëshmitar obligohej  prokurorja t’a sjellte më 06.04.2017, në  seancën  e  radhës së shqyrtimit gjyqësor!

Më 06.04.2017,  shkaku  vdekjes të një  familjari të   njërit  nga  anëtarët  e trupit  gjykues, u imponu shtyrja e  seancës! Mirëpo,  prokurorja e  Fraksionit politiko-kriminal të EULEX-it,  njoftoi që nuk ka arritur ta  sjellë! Thotë  që kishte  bë  kërkesë, e  që pala  serbe i’a kishte  kthy, me  arsyetimin  që ta bënin në gjuhën serbe!  Thotë që i’a  kishin bë  në  gjuhën  serbe- por më  pala serbe  nuk ka  kthy asnjë përgjegje! Derisa  fare në fund të kësaj  seance gjyqësore,  e  zënë  ngusht kjo prokurore nxjerr një  informatë të  rëndësishme! Thotë  që më 24 shkurt 2017,   ajo( prokurorja  e fraksionit politiko-kriminal të EULEX-it) ka komuniku  me palën  serbe,  e që i paska  kërku të specifikohet  vetëm për çfarë do të  pytet ky dëshmitarë dhe të  sigurohet  që  s’do pyetet  asgjë tjetër  pos  për rastin  në fjalë! Nga përvoja ime, e  gjatë  me  shovenizmin  serb, kjo  më  bëri të  qartë të kuptoj, që po ky polic do duhej të  dëshmonte edhe për disa gjëra më shumë( të cilat do i paraqes  në çastin që nëse do sjellet ky dëshmitar në  gjykat)!

Prokurorja  e Fraksionit politiko-kriminal të EULEX-it, Najgerzo Valeria Bolici

Prokurorja Najgerzo Valeria Bolici, është  pjesë  e  grupit të Fraksionit politiko-kriminal të EULEX-it, që  vje  nga  vendet  jo mike të Pavarësisë së Republikës së Kosovës e që  është  pro qëndrimit politik të  Serbisë( kundër shtetësisë së Republikës së Kosovës). Të rikujtojmë  që  akuzat  politike i  ngriti  tashmë prokurori i njohur i Fraksionit politiko-kriminal të EULEX-it, Maurizio Salustro. Mirëpo  pasi  e kreu misionin  e tij kriminalo-politik në  Republikë të Kosovës, ai shkoi  në  Serbi!  Të gjithë  e  dijmë  që ky prokuror politik ka ndjekur vetëm  grupet  Shqiptare, që i’a  urdhëronte Serbia, si: për krime  lufte dhe  për luftë  kundër  Serbisë(luftë  guerile-siç e  kanë  publiku Fraksioni politiko-kriminal i EULEX-it!). Pasardhësi i tij i denjë ishte  prokurori i Fraksionit politik-kriminal të EULEX-it Tomas Meskauskas, e që shkaku i  shkrimit  tim Serbia përmes  fraksionit të EULEX-it, s’mund të  më bëj Asgjë!, të publikuar në  medie, është zëvendësuar me  një prokurore tjetër.

Prokurorja  Najgerzo Valeria Bolici, është   e  Fraksionit politiko-kriminal të EULEX-it, në njësinë  për  hetim dhe ndjekje të Krimeve  të Luftës në kuadër të këtij  misioni, e ardhur nga  vendi që  është kundër Shtetësisë dhe Pavarësisë së Republikës së Kosovës duke i zbatu drejtëpërdrejt porositë  politike të Institucioneve  të Serbisë!

Edhe pse  Gjykata  Supreme  e Republikës së Kosovës PML 241/15 të datës  19 prill 2016, veçmas siç shihet  në paragrafin 82 dhe 83, por edhe  në pikën  1 dhe 2 të Aktgjykimit, as prokurori Tomas Meskauskas e as pasardhsja e tij  Najgerzo Valeria Bolici nuk e  kanë  rrespektu- duke tregu se janë  mbi Ligjin dhe kundër Ligjit të  Republikës së Kosovës, duke  më akuzu  sërish për terrorizëm, përmes  shkaktimit të rrezikut të përgjithshëm!

Figure 3: Pjesë të shkëputura të  Aktgjykimit të Gjykatës Supreme të Republikës së Kosovës, në Lëndën PML 241/15 të datës  19 prill 2016

Serbia  duhet   t’a pranoj  që të  sjell policin  e saj,   përmes  Ministrisë së Drejtësisë të Republikës së Kosovës! Në tërë  këtë  spektakël që bëhet   kundër meje, më  së paku mund të  flitet për Drejtësi-e që aspak nuk pres  Drejtësi!

Më:08 prill 2017

Skender Jashari  i burgosur politik nga  Fraksioni politiko-kriminal i EULEX-it, për   rastet  e sulmeve kundër policisë dhe xhandarmërisë  së Serbisë në  Dobrosin komuna e Bujanocit.

Master drejtimi juridiko-penal dhe studime joformale ushtarake.

Leave a Reply

You must be Logged in to post comment.

© 2021 KosovaLindore · RSS · Designed by Theme Junkie · Powered by WordPress
ShqipEnglishDeutsch