Dr.Zef Mulaj

 Marche, Ankona -Itali

Në foto: Ing. Gjon Bisha, duke marrë diplomën…

Këto  ditë,  në faqet  e informacionit industrial të  Europës  dhe të Shteteve të Bashkuera,  gjejmë  emrin e shqiptarit  Gjon Bisha, me origjinë nga  Vau i  Dejes-  Shkodër,  me  banim dhe  me punë  në Itali. Mbaroi studimet në Universitetin Politecnica delle Marche, në Ankona,  në  shkencat informatike e automatike industriale. Punon  në  fushen  e  elektronikës. Është një  njeri  me  pasione të mëdha  për shkencen dhe teknologjinë,  ku  ka bërë emër    për kualitetin e tij të  larte  profesional  dhe  si qytetar,  këtu  në  Itali. Për një kohë  jo shumë  të gjatë,  rreth  2-vjeçare,  me  këmbënguljen e tij  dhe  pasionin studion mënyra  e aplikon teknika të përparuara  të  makinave  automatike   distributore. Këto  ditë u regjistrua  dhe u  publikua patenta (brevetto)  në  Europë  dhe Shtetet e Bashkuera të Amerikës. Një arritje,  që sipas kërkimit  të dokumenteve  nga inspektorët ndërkombëtarë, në Gjenevë,  çertifikuan  që shpikja e tij nuk përben  një kopjim të shpikjeve të tjera,  që gjenden të registruara në dokumentacionin ndërkombëtar të Patentave (Arritjeve të  reja  shkencore –teknologjike).

Mbas këtij suksesi të parë, tani fillojnë përpjekjet për industrializimin  e dispositivit, që zëvendeson për herë të parë, qysh nga shpikja e saj,  spiralen në makinat automatike, pa ndryshuar çertifikimin dhe sistemin strukturor të tyre. Zgjidhet kështu një problem i madh për objektet memadhëssi   të veçanta, të cilat nuk mund të zbatohen më përpara.Një gjë e rëndësishme, përveç zbulimit të sistemit  të integrimit dhe të kontrolli,t  nga logjika  softare e makinës,  ështe edhe  kostoja e ulët,  pasi shfrytzohen materiale, që gjenden  lehtë, pa pasur nevojë për të përshtatur teknologji të posaçme për prodhimin e saj.

Numri i publikimit  për Europën është: WO2012168955 A1

Mars, 2014