Home » Lajme » Kalon Vendimi për Themelimin e Tri Universiteteve Publike

Kalon Vendimi për Themelimin e Tri Universiteteve Publike

Prishtinë, 30 maj – Pas një debati për e kundër themelimit të tri universiteteve të reja publike, në tri qytete të Kosovës, Kuvendi i Kosovës me 78 vota për dhe tri abstenime pak çaste më parë ratifikoi vendimin e Qeverisë së Kosovës për themelimin e universiteteve në Gjakovë, Gjilan e Mitrovicë.

Edhe pse është zhvilluar debat mes deputetësh se a duhet të themelohen tri universitete publike, vendimi u nxor pa asnjë votë kundër.

Kryetari i kuvendit Jakup Krasniqi i bëri pyetje ministri të arsimit Ramë Buja se a është bërë studim i fizibilitetit për hapjen e tri universiteteve publike.

“A kemi financa dhe kuadro për themelimin e këtyre universiteteve?”, pyeti Krasniqi, ministrin Buja.

“Ne mund të hapim në çdo qytet universitetet, por ne duhet të krijojmë kushte dhe duhet të kemi cilësi. Unë e di që kemi shumë profesorë që nuk e meritojnë të hyjnë në universitete”, shtoi ai.

Kryeministri Hashim Thaçi i inkurajoi deputetët të votojnë hapjen e universiteteve.

Këto universitete do të pranojnë studentë që nga viti studentor 2013/14 gjatë kësaj vjeshte.

Leave a Reply

You must be Logged in to post comment.

© 2020 KosovaLindore · RSS · Designed by Theme Junkie · Powered by WordPress
ShqipEnglishDeutsch