Home » Lajme, Opinione » Kauza e Albin Kurtit dhe Vjosa Osmanit do të triumfojë

Kauza e Albin Kurtit dhe Vjosa Osmanit do të triumfojë

Nga Skënder Sadri KAPITI

“Vazhdim   shkrimit …” Amoraliteti dhe komploti hipokrit, juridik dhe politik kundër Kurtit”.

Kauza e Albinit Kurtit dhe  e Vjosa Osmanit do të triumfojë  sepse kauza e tyre është me moralin , me të drejtën dhe me të vërtetën kombëtare; kauza e tyre   është një kritikë dhe kundëvënie kundër të këqijave dhe tradhtisë kombëtare që Kosovës dhe popullit të saj i kanë ardhur nga elita e vjetër politike, të krimit, korrupsionit, vjedhjes, antiligjit dhe antishtetit.

Kur populli kërkon ndryshimin  dhe atë e mbështet LVV, Albini dhe Vjosa ky nuk është populizëm, por kjo është kauzë kombëtare.  Me populizmin si term politik mundohen të spekulojnë injorantët politikë të cilët nuk ia dinë as kuptimin e saj.

Po kështu politika e vjetër intrigante, hipokrite dhe djallëzore që i ka nxjerrë në ankand  dhe pazar interesat e Kosovës për interesat private e partiake të saj e akuzonin Albinin dhe Vjosën si amntiamerikanë pse ata të dy iu kundërvunë politikës së administratës së ishPresidentit Trump për Marrveshjet imponuese me Serbinë në dëm të Kosovës dhe në favor të Serbisë.

Kauza e Albinit dhe Vjosës do të triumfojë sepse ajo është  si vazhdimësi dhe trashëgimi e luftrave, sakrificave dhe e stërmundimeve të jashtëzakonshme të brezave prej të cilëvave sot kemi shtetin e lirë e të pavarur të Kosovës; kauza e Albinit dhe e Vjosës është interesi kombëtar mbi të gjitha; kauza e tyre është me të drejtën, me të vërtetat historike dhe me demokracinë e ligjin; kauza e tyre gjëndet brënda intersave dhe kauzës kombëtare dhe është në mbrojtje të sovranitetit dhe dinjitetit kombëtar, është në mbrojtje të pacënueshmërisë territoriale të Kosovës; është kauzë e cila i është kundëvënë gjithmonë pazareve, marrëveshjeve  dhe tradhtive kombëtare; kauza e tyre ëshë  kauzë kundër krimit, korrupsionit dhe hajdutërisë; kundër  grabitjes së pronave dhe të pasurive të ndividve e familjeve shqiptare, të parasë publike dhe pasurive kombëtare.

Kauza e Albinit dhe Vjosës është kauza që mbron dinjitetin dhe politikën e reciprocitetit kundër asaj të inferioritetit që ka treguar e praktikuar politika e vjetër për interesa personale përfitimi e pushteti.

Kauza e tyre është zhvillimi, punësimi, ekonomia, arësimi, shëndëtsia dhe mirëqënia kundër varfërsë, papunësisë, moskujdesit arsimor e shëndetsor dhe kundër eksodit e braktisjes së atdheut. të cilat ia kanë ofrouar shqiptarëve politika e vjetër.

Nëse  dikush, pyet dhe thotë se partitë politike po garojnë me slogane dhe pa programe atëhere atyre unë po u them se: lexojeni këtë shkrim timin dhe më thuaj se cfarë program tjetër i duhet Kosovës, kur në këtë shkrim këto kauza që unë i përmënda më sipër janë shumë herë më të mëdha se sa një program i ngushtë politik partiak , pasi këto kauza janë problematika dhe emergjenca të mëdha kombëtare të cilat kërkojnë zgjidhje. Këto dhe për këto kauza tashmë është ndërgjegjsuar i gjithë populli, dhe nëse dikush qoftë politika e vjetër sidomos ajo PDK-LDK , së bashku me instrumentet e saj që i ka akoma në dorë si Gjykatën dhe KQZ-në do të mundohen që të pengojnë kandidimin e Albinit për deputet dhe do të inskenojnë ndonjë aventurë tjetër për manipulimin e zgjedhjeve të 14 Shkurtit 2021 atëhere ky do të ishte një provokim nga ana e tyre për nxitjen e një stuhije  të madhe për mosbindje paqësore civile.

Mjaft më politika e vjetër me politika hipokrizirash, mashtrimesh,gënjeshtrash, manipulimesh, djallëzish, intrigash e kurthesh: ato tashmë  asaj j janë konsumuar.


Faleminderit mik i nderuar Skënder Kapiti!  

Shpresojmë në mbarësinë e mundshme të politikës shqiptare gjithandej.  

Anarkia e “mbjellë” deri tani në të dy anët e kufitarit, shkatërrimi shpirtëror e moral i shqiptarëve na bënë të dyshojmë në kthim mbarë të kombit tonë. Krimi më i madh është shkatërrimi i shkollës shqiptare e bashkë me te edukatën dhe arsimin. Unë, duke u nisur nga sjella e Vjosës dhe Kurtit në raport me rrjedhat dje dhe sot nuk kam besim se janë të aftë dhe të qëlluar për ndryshime radikale siç ju me aq militantizëm e ofroni.  Ardhja e dogmave mesjetare bashkë me tempujt e tyre me predikues antikombëtarë të mbështetur nga krim politika pozitë e opozitë dje e sot e ka plagosur rëndë idealin e Gjergj Kastriotit, Ibrahim Rugovës e Adem Jasharit, e ka poshtëruar figurën e Shën Terezes …  mu në parlamentin e Kosovës.  

     Sot lideri e liderizmi kanë humbur kuptimi, tani qytetari dhe programi për qytetarin i jetësuar në ligje dhe praktikë flasin dhe bindin.   Shoqëria shqiptare ka devijuar aq shumë sa nuk të lë të jesh optimist.  

Ishim edhe më parë, u zhgënjyem disa herë.  

I bindem votës së sovranit! Përulem para simboleve kombëtare dhe atyre shtetërore! Janë të shenjta në rrugën tonë drejtë cakut!  

Me respekti! 

Haziri, Vjenë  

Leave a Reply

You must be Logged in to post comment.

© 2021 KosovaLindore · RSS · Designed by Theme Junkie · Powered by WordPress
ShqipEnglishDeutsch