Home » Lajme, Vendore » Këshilli i BIPB reagon ndaj Nexhmedin Ademit duke e quajtur përçarës të komunitetit islam

Këshilli i BIPB reagon ndaj Nexhmedin Ademit duke e quajtur përçarës të komunitetit islam

Këshillat e  Bashkësisë Islame në Preshevë dhe Bujanoc ka reaguar  ndaj  intervistës së Nexhmedim Ademit dhënë në programin e paradites në radio televizionin Presheva më 4 dhjetor . Ademi kreu e bashkësisë Islame e akuzoi për standarde të dyfishta. Ndërkaq në reagimin e këshillit të bashkësisë Islame Preshevë e Bujanoc kanë shprehur indinjatën dh revoltën , sipas tyre për të pavërtetat e thëna nga koordinatori Nexhmedin Ademi.

REAGIM

 

Këshillat e  Bashkësisë Islame në Preshevë dhe Bujanoc skajshmërisht janë të indinjuar dhe të revoltuar me të pavërtetat dhe dezinformatat e llojit të parë  të plasuar nga i vetëquajturi koordinator  i Grupit punues për themelimin e një Bashkësie islame unike në Luginë të Preshevës. Nexhmedin Ademi , i cili duke shfrytëzuar mundësinë dhe hapësirën e ofruar në radio televizionin Presheva , në programin “ Mysafirë i mëngjesit “ , të realizuar më datë 4 dhjetor ,plasoi çdo gjë pos realitetit dhe të vërtetës aq më shumë të kërkuar nga opinioni publik në vendin tonë thuhet në reagimin e Këshillat e  Bashkësisë Islame në Preshevë dhe Bujanoc.

Realisht, protagonisti Ademi këtë shfaqje të tij të orkestruar në formë teatrale kryekëput e dinakërisht e bërë me tendencë se kinse ai na qenka një faktor uniteti në vazhdën e ecurisë së proceseve integruese në sferën e unifikimit dhe bashkimit të imamëve dhe teologëve tjerë në këto hapësira tona.

Duke u fshehur tinëzisht prapa Grupit punues , i përmenduri për as një çast e moment  nuk reshtë së vepruari për interesat përçarëse e meskine të të ashtuquajturës “BIPMB”, në stilin e dinakut perfid “hedh gurin e fsheh dorën”.

Ndaj ne , me arsye të plotë e ndërgjegje të pastëri drejtohemi Nexhmedin Ademit :

 

Ku ishe edhe pse nuk reagove dhe nuk e  ngrite zërin në emër të grupit punues ku më datë 19,06,2013 reisi i bashkësisë islame të Serbisë Adem Zillkiç padronit tënd emnak Nexhemdin Saqipit ?! Përkundrazi , në vend se të ngriheshe zëshëm ndaj kësaj vizite kryekëput dhe në thelb përçarëse, ti zgjodhe heshtjen si veprim tëndin dhe aq më larg , madje u bëre sikur ishe i shurdhur dhe i verbër sikurse s’kishte ngjarë asgjë në këtë drejtim.

Z.Ademi ku ishe e nuk reagove fare kur doli në skenë “BIPMB – ja “ ndërsa sipas marrëveshjes së të gjithë imamëve dhe teologëve tjerë patëm dalë me konkluzion që ajo ti ngrinte aktivitetet e saja.?!!

Ku ishe kur pikërisht ku Nexhmedin Saqipi merrej me dezinformata e thashetheme okulare pa pasur edhe të vetmin fakt e argument e të cilat i plasonte nga disa portale, ku kishte qaje ai?! Edhe atëherë ti heshtje dh vetëm heshtje dhe fërkoje duart nga gëzimi nga se ta kishte andaj mposhtjen dhe etiketimet ndaj kolegëve tu edhe pse gjuha përçarëse nuk dispononte edhe me më të voglin argument.

Edhe pse të është t[hequr vërejtja nga kolegët tuaj , nga grupi punues që të mos dilje në media me asnjë komunikatë apo intervistë , pa ndonjë konsultim apo mbledhje paraprake , përkundrazi ti dole në TV Presheva duke dhënë intervistën e diskutueshme.

 

Grupi punues ka humbur kuptimin në funksionimin e tij pikërisht kur anëtari i këtij grupi nga Bujanoca u aktivizua si kryetar i “ Këshillit “ të “ BIPMB-së “ për këtë komunë. Kjo iu ka thënë Nexhmedin Ademit nga shumica e anëtarëve të këtij Grupi , që ky grup më nuk është i pranueshëm për ta.

 

Pretendonit se jeni të pavarur në punët tuaja organizative të jetës fetare publike , kurse e vërteta duket krejtësisht ndryshe nga ajo që thoni ju . Tinëzisht jeni futur në listën e sigurimeve pensionalo – invalidore dhe ato shëndetësore të Adem Zillkiçit dhe të Jusufspahiqëve , nga të cilët botërisht e publikisht distancoheni.

Marifeti juaj doli sheshazi kur me fillimin e vitit të ri rrjedhës shkollor 2013/2014 respektivisht nda data 02shtator 2013 pa fije ndërgjegje larguar kuadrin më meritorë të lëndës së mësimit fetar “ ilmuddini” nga shkollat publiken Preshevë e Bujanoc për të zëvendësuar ato me individë të pakualifikuar apo gjysmë të kualifikuar , që shikuar realisht , nuk janë të denjë dhe meritorë që në mënyrë profesionale ti bartin njohuritë e tyre islame , qofshin ato edhe simbolike deri tek nxënësit tanë.

Ne tashmë jemi të njoftuar për të gjitha të bëmat tuaja. Ndaj , me anën e këtyre disa rreshtave vetëm se deshëm të trokasim në ndërgjegjen tuaj të molisur nga apetitet denigruese dhe të pangopura e egoiste .

Të apelojmë deri tek ju për reflektime e këndellje nuk kemi as më të paktën shpresë. Këtë e bazojmë në tentativat dhe orvatjet tona një deceniesh për t’iu  trazuar nga gjumi i rëndë në të cilin jeni katandisur e assesi të zgjoheni dot .Lundroni në botën e fantazmave që  megjithatë nuk iu shpijnë assesi  në ujërat e qeta paqësore. Në përmbyllje të reagimit tonë të imponuar e aspak të dëshiruar , por përkundrazi të imponuar e të detyruar nga daljet tuaja publike të tejmbushura përplot shantazhe , ua bëjmë me dije se pavarësisht mënyrës apo formës që ju e pranoni një gjë të tillë të daljes sonë publike , ne vendosmërisht përfundojmë çdo lloj komunikimi me ju në formën e paraqitur në këtë mënyrë publikisht .

 

 

Këshillat e bashkësisë islame në Preshevë dhe Bujanoc

 

 

 

Rtv presheva

Leave a Reply

You must be Logged in to post comment.

© 2020 KosovaLindore · RSS · Designed by Theme Junkie · Powered by WordPress
ShqipEnglishDeutsch