Home » Histori, Lajme » KONKURS POETIK për Dëshmorin BYLBYL HAZIR BREÇANI

KONKURS POETIK për Dëshmorin BYLBYL HAZIR BREÇANI

-Afati i fundit: me 31 maj 2019-i

“Botimet TROPOJA”, në nderim të emrit e veprës të Bylbyl Hazir Breçanit: “Dëshmor i Kosovës dhe i Shqipërisë” e “Qytetar Nderi” i Tropojës, do të organizojmë një: KONKURS  POETIKMe krijimtari poetike për jetën e veprimtarinë e tij në 20 vjetorin e rënies së tij në Kosovë.

Ky Konkurs poetik do të ketë tre çmime për poezi e poema dhe tekste kangësh: Çmimi i Parë, Çmimi i dytë, Çmimi i tretë dhe për të gjithë krijuesit do të jepet Çertifikatë pjesmarrjeje në këtë veprimtari letrare, të cilët kanë të drejtë të marrin pjesë dhe me dy apo ma shumë krijime poetike.

Me poezitë e poemat dhe kangët ma të mira të këtij Konkursi Poetik do të botohet një vëllim poetik në qershor 2019.

Konkursi Poetik do të mbyllet më 31 maj 2019.

Shpallja zyrtare e fituesve të këtij Konkursi Poetik për Dëshmorin Bylbyl Hazir Breçani do të jetë në Akademinë Përkujtimore të 24 qershorit 2019, ora 11.00, në Muzeun Historik Kombëtar në Tiranë, ku do të recitohen dhe disa nga këto krijime poetike.

Pjesmarrësit në Konkursin Poetik për Dëshmorin Bylbyl Hazir Breçani duhet të dërgojnë poezitë, poemat e kangët e tyre në adresat postare: Botimet Tropoja–Kutia Postare 96. Tirana–Albania. E-mail: botimettropoja@gmail.com  Komunikimet edhe me tel. +355 69 78 39 500 (me zá, sms, Viber, WhatsApp).

Kryetar i Jurisë së Konkursit do të jetë prof. dr. Bardhosh Gaçe-Mjeshtër i Madh, poet, historian, pedagog i Letërsisë Shqipe në Universitetin e Vlorës; antarë: Dëfrim Cani–poet e studiues i letërsisë, Tiranë; dr. Fejzulla Gjabri–studiues i etnografisë e letërsisë e publicist në Tiranë; Migena Arrlati–poete e profesore e letërsisë në Gjakovë-zv/kryeredaktore për Kosovën e Gazetës së Alpeve “Tropoja”; Ali Daci–poet e mësues i gjuhës e letërsisë shqipe në Rrozhajë në Malin e Zi–antar i Bordit Botues të Gazetës së Alpeve “Tropoja”; Fatjona Geci–poete e gazetare në Tetovë-Maqedoni, antare e Bordit Botues të Gazetës së Alpeve “Tropoja”; Ramiz Lushaj–botues e krijues në Tiranë.

Secili pjesmarrës në këtë Konkurs Poetik duhet të sjellin së bashku me poezitë dhe një CV të shkurtër të tij, e cila do të botohet (së bashku me poezinë, poemën, këngën tuaj) në librin poetik për Dëshmorin Bylbyl Hazir Breçani i Tropojës, i Shqipërisë e i Kosovës.

        BOTIMET TROPOJA

Tiranë, 10 janar 2019

Leave a Reply

You must be Logged in to post comment.

© 2019 KosovaLindore · RSS · Designed by Theme Junkie · Powered by WordPress
ShqipEnglishDeutsch