Home » Lajme » Kryeministri i Republikës së Kosovës, Hashim Thaçi ka pritur sot kryetarin e Komunës së Preshevës, Ragmi Mustafa

Kryeministri i Republikës së Kosovës, Hashim Thaçi ka pritur sot kryetarin e Komunës së Preshevës, Ragmi Mustafa

Kryeministri i Republikës së Kosovës, Hashim Thaçi ka pritur sot kryetarin e Komunës së Preshevës, Ragmi Mustafa, me të cilin ka biseduar për zhvillimet aktuale politike në Luginën e Preshevës, për avancimin e të drejtave qytetare dhe nacionale të shqiptarëve në këtë rajon dhe për tema tjera me interes.

Kryeministri Thaçi në takim ripotencoi mbështetjen e Qeverisë së Republikës së Kosovës për shqiptarët e Preshevës, por edhe për ata të Bujanocit dhe Medvegjës për avancimin substancial të pozitës së tyre.

Kryeministri theksoi përkushtimin e Qeverisë dhe të gjitha institucioneve të Kosovës për krijimin e lehtësirave për të gjitha ata qytetarë të Preshevës, Bujanocit dhe Medvegjës që dëshirojnë të kryejnë studimet unversitare në Kosovë.

Nga ana e tij, Kryetari i Komunës së Preshevës, Ragmi Mustafa e informoi kryeministrin Thaçi me gjendjen aktuale në Luginën e Preshevës dhe në këtë kuadër theksoi angazhimin e partive politike shqiptare për përmirësimin e kësaj gjendje, në funksion të krijimit të një të ardhmeje me të mirë dhe më të sigurt për të gjithë banorët e këtij rajoni.

Prishtinë, 25 prill 2012 

Leave a Reply

You must be Logged in to post comment.

© 2020 KosovaLindore · RSS · Designed by Theme Junkie · Powered by WordPress
ShqipEnglishDeutsch