Home » Lajme, PDSH, Vendore » Kryetari Mustafa uron zgjedhjen e Kadri Veselit për kryetarë të Kuvendit të Kosovës

Kryetari Mustafa uron zgjedhjen e Kadri Veselit për kryetarë të Kuvendit të Kosovës

 Mustafa - logo PDSH  PARTIA DEMOKRATIKE SHQIPTARE

PËR LUGINË TË PRESHEVËS, ME SELI NË PRESHEVË

 

Drejtuar:

Kryetarit të Kuvendit të Republikës së Kosovës z.Kadri Veseli

 

I nderuari kryetar i Kuvendit të Republikës së Kosovës!

 

Më lejoni që në emrin tim dhe në emër të Partisë Demokratike Shqiptare  t’ Ju shpreh urimet më të përzemërta e vëllezërore me rastin e zgjedhjes Tuaj Kryetar i Kuvendit  të Republikës së Kosovës.

Unë jam i bindur që Ju, me urtësinë, shkathtësinë dhe përvojën Tuaj të gjatë politike, do arrini të harmonizoni të gjitha forcat politike në Kuvend për të arritur  synimet e popullit shqiptar  në integrimet euroatlantike.

Përfitoj nga rasti t’Ju shpreh mirënjohjen tonë më të thellë për gjithë ndihmën që Kosova dhe institucionet e saj shtetërore kanë dhënë për Luginen e Preshevës në këto vitet e fundit, uroj për një bashkëpunim edhe më të thellë të anasjelltë, e që do të kontribuonte dukshëm në ecjen përpara të proceseve politike, socioekonomike, sigurisë, arsimit, shëndetsisë dhe fushave tjera edhe në Luginë të Preshevës.

Në fund, z.Veseli, shumë shëndet e suksese Juve.

Preshevë, 08. dhjetor 2014                                                     Me rrespekt,

Dr. Sc. Ragmi Mustafa

Kryetar i PDSH-së, dhe i

Komunës së Preshevës

Leave a Reply

You must be Logged in to post comment.

© 2019 KosovaLindore · RSS · Designed by Theme Junkie · Powered by WordPress
ShqipEnglishDeutsch