Home » Lajme, Politikë » Kuvendi i Kosovës voton Qeverinë Kurti me 66 vota pro dhe 10 abstenime

Kuvendi i Kosovës voton Qeverinë Kurti me 66 vota pro dhe 10 abstenime

Qeveria Kurti ka marrë votat e mjaftueshme në Kuvendin e Kosovës. Ishin 66 deputetë që votuan pro qeverisë së re, dhe 10 abstenime.

Seanca nisi me prezantimin e programit nga Albin Kurti, tanimë kryeministër i Kosovës, për të vazhduar me deklaratat e grupeve parlamentare dhe prezantimin e kabinetit qeveritar nga Kurti.

Ndërkohë, për më shumë se tri orë, qeveria VV-LDK u kritikua nga deputetët e opozitës.    

Qeveria do t’i ketë 15 ministri, ku prej tyre gjashtë i takojnë Lëvizjes Vetëvendosje, gjatë Lidhjes Demokratike të Kosovës dhe tri minoriteteve.

Kabineti i qeverisë Kurti përbëhet nga zëvendëskryeministri i parë Avdullah Hoti, zëvendëskryeministri i dytë, Haki Abazi.

Ministër i Punëve të Jashtme do të jetë, Glauk Konjufca, ndërsa ministër i Punëve të Brendshme, nënkryetari i LDK-së, Agim Veliu.

Ministre të Drejtësisë nga radhët e LVV-së do të jetë, Albulena Haxhiun, ministër të Integrimeve Evropiane,Blerim Reka. 

Ministër i Financave dhe Transfereve, Besnik Bislimin, ndërsa ministre e Ekonomisë, Rozeta Hajdarin. Kurse, dikasteri i Ministrisë së Shëndetësisë i është besuar Arben Vitisë.

Zëdhënësi i LDK-së dhe deputeti i legjislaturës së shtatë, Besian Mustafa tash e tutje do të jetë ministër i Bujqësisë, Anton Quni, ministër të Mbrojtjes dhe Lumir Abdixhiku, ministër i Infrastrukturës dhe Transportit.

Vlora Dumoshi e LDK-së do të jetë në krye të Ministrisë së Kulturës, Rinisë dhe Sportit dhe Hykmete Bajrami do të udhëheqë Ministrinë e Arsimit, Shkencës dhe Teknologjisë.

Kryesia e Kuvendit të Kosovës vendosi që seanca për zgjedhjen e kryeparlamentares do të mbahet në orën 19:00 për ta zgjidhë për Kryetaren të Kuvendit.

Vjosa Osmani është zgjedhur kryetare e Kuvendit të Kosovës me 65 vota pro, asnjë votë kundër dhe asnjë abstenim, derisa në sallë ishin të pranishëm 67 deputetë.

Kjo është hera e parë që Kuvendi i Kosovës udhëhiqet nga një grua.

Leave a Reply

You must be Logged in to post comment.

© 2020 KosovaLindore · RSS · Designed by Theme Junkie · Powered by WordPress
ShqipEnglishDeutsch