Home » Lajme, Vendore » Kuvendi Komunal i Preshevës shqyrton dhe miraton Rebalansin e Buxhetit për vitin 2019 dhe propozim Buxhetin për vitin 2020

Kuvendi Komunal i Preshevës shqyrton dhe miraton Rebalansin e Buxhetit për vitin 2019 dhe propozim Buxhetin për vitin 2020

Sot, Kuvendi Komunal i Preshevës mban seancën e saj të rregullt në të cilën si pika të veçanta ishin të parapara Rebalansi i Buxhetit për vitin 2019 dhe propozim Buxheti për vitin 2020.

Të pranishëm në sallë ishin 20 këshilltar nga 36 sa i ka gjithsej Kuvendit Komunal I Preshevës.

Në këtë seancë të gjitha pikat e rendit të ditës që ishin të parapara u shqyrtuan dhe u miratuan pa prezencën e opozitës.

Rreth pikave të rendit të ditës nga këshilltarët present përveç disa sqarimeve që kishin rreth pikave veç e veç, nuk pati ndonjë vërejtje të theksuar.

Gjithashtu në këtë séance u shkarkuan dhe u emruan dy anëtarë të Këshillit Komunal, të cilët kaluan më vota unanime të atyre që ishin present, me 20 vota për.

Nga opozita, Partia për Veprim Demokratik pati një reagim publik për bojkotin e kësaj seance të Kuvendit Komunal, ku thuhet:

Grupi i këshilltarëve të PVD-së në Kuvendin Komunal në Preshevë, ka vendosur për ta bojkotuar seancën e sotme në të cilën si pika të veçanta janë të parapara Rebalansi i Buxhetit për vitin 2019 dhe propozim Buxheti për vitin 2020.

Mospërfillja e vazhdueshme e kërkesave, iniciativave dhe propozimeve tona, sjelljet arrogante të kryetarit të komunës, fjalimet nxitëse dhe denigruese sikurse dhe masat represive të ndërmarra ndaj këshilltarëve të opozitës me përdorimin e policisë dhe kompanisë së sigurimit të objektit janë arsyet që kanë ndikuar drejtpërdrejtë në vendimin tonë të sotëm.

Shmangja e vazhdueshme e të parit të komunës nga përgjegjësitë ndaj këshilltarëve të opozitës dhe mbarë opinionit për nxitjet, shpifjet dhe shantazhet e bëra nga foltorja e Kuvendit nuk ndikojnë në ndërtimin e atmosferës për një debat tolerant dhe të dinjitetshëm në organin përfaqësues të komunës sonë, prandaj, edhe kemi marrë qëndrim që, duke bojkotuar këtë seancë, ta lëjmë në disponimin absolut të kryetarit të komunës dhe shumicës në Kuvend për të dëshmuar qartë se çfarë Buxheti do të na servojnë për vitin 2020.

Ndërkohë, PVD, do të bëjë një analizë të Buxhetit që pritet të aprovohet pa prezencën e opozitës, për t’i dëshmuar mbarë opinionit për imponimin që bëhet nga kryetari i instaluar i Preshevës, i përkrahur edhe nga ata që Buxhetin e shohin vetëm si mundësi të realizimit të interesave grupore dhe klanore.

Vendimi jonë për mospjesmarrje ka të bëjë vetëm me këtë seancë të Kuvendit, ndërsa, për seancat tjera do të veprojmë konform situatës së krijuar dhe sjelljeve të kryetarit të komunës dhe shumicës në Kuvend.

Preshevë 12.12.2019

Grupi i këshilltarëve të PVD-së

Leave a Reply

You must be Logged in to post comment.

© 2020 KosovaLindore · RSS · Designed by Theme Junkie · Powered by WordPress
ShqipEnglishDeutsch