Home » Lajme, Vendore » LIMAJ: U KONSTATUA AJO QË E KAM THËNË QYSH NË FILLIM PËR RASTIN

LIMAJ: U KONSTATUA AJO QË E KAM THËNË QYSH NË FILLIM PËR RASTIN

Fatimir Limaj ka thënë se me vendimin e sotëm të Gjykatës përfundimisht u konstatua ajo që ai e ka deklaruar qysh prej fillimit se nuk ka asnjë fakt dhe asnjë provë që e implikon në ndonjë lloj përgjegjësie për rastin për të cilin sot u dha vendimi. Ai ka shkruar kështu në rrjetin social Facebook. Gjykata Themelore e Gjakovës, sot ka shpallur vendimin ndaj Fatmir Limajt, i akuzuar për rastin e Ramiz Hoxhës dhe Selman Binishit.

POSTIMI:

Trupi gjykues me vendimin e tij konstatoi përfundimisht atë që e kam deklaruar qysh prej fillimit të këtij procesi se nuk ka asnjë fakt dhe asnjë provë që më implikon në ndonjë lloj përgjegjësie për rastin për të cilin sot u dha vendimi.
Akuzat e orkestruara të pambështetura në fakte dhe prova kanë objektiv rrënimin e njerëzve dhe manipulimin me dhimbjen e atyre që kërkojnë drejtësi.
Është e turpshme ta përdorësh dhimbjen e familjeve për të arritur objektivat që s’kanë të bëjnë asgjë me drejtësinë dhe të vërtetën.
Familjet e viktimave presin zbardhjen e rasteve, dhe ky do të jetë angazhimi ynë jo vetëm për këtë rast, por edhe për qindra raste tjera të pazbardhura.
U shpreh mirënjohje të gjithë atyre qytetarëve të cilët besuan në fjalën time dhe më qëndruan afër gjatë gjithë kohërave jo të lehta.
Ne asnjëherë nuk jemi ndalur së shërbyeri vendit pavarësisht rrethanave në të cilat kemi kaluar.
Tani do të vazhdojmë edhe më fuqishëm me besim në Zot dhe drejtësi të gjithë së bashku, të punojmë me përkushtim që atdheun tonë Kosovën ta bëjmë një vend ku të gjithë do të ndihen krenarë dhe ky është misioni ynë i përbashkët.

Shto koment

Duheni të Logoheni për të komentuar.

© 2018 KosovaLindore · RSS · Designed by Theme Junkie · Powered by WordPress
ShqipEnglishDeutsch