Home » Lajme, Opinione » Lutfi Haziri: Kufiri me Serbinë në Ristovc, ndërkaq me Maqedoninë në Çukarkë

Lutfi Haziri: Kufiri me Serbinë në Ristovc, ndërkaq me Maqedoninë në Çukarkë

Nënkryetari i LDK-së, Lutfi Haziri në një shkrim të gjatë në Facebook ka folur përsëri për çështjen e kufijve. Ai këtë herë e ka dhënë një propozim se ku duhet të jetë kufiri mes Kosovës me Serbinë dhe Maqedoninë. Siç ka thënë i pari i Gjilanit, kufiri me Serbinë duhet të jetë në Ristovci, kurse me Maqedoninë në Çukarka.
“Qysh në tetorin e vitit 2011 unë e kam lansuar dhe proklamuar këtë kauzë, e cila është mbipolitike. Pra, nga bashkimi i Kosovës Lindore me Kosovën nuk cenohet sovraniteti, por mund të përkthehet si sforcim dhe zgjerim. Realiteti ynë është i hidhur edhe sot e kësaj dite pasi që ne si Kosovë e kemi barrën historike të zgjidhjes së çështjes së Kosovës Lindore. Zgjidhja më e mirë do të ishte që kufiri i Kosovës me Serbinë të jetë në Ristovc, ndërkaq me Maqedoninë në Çukarkë”, ka shkruar Haziri.
Ai tutje ka thënë se cfarëdo marrëveshje me Serbinë që nuk e rikthen këtë pjesë të natyrshme të Kosovës brenda kufijve të saj, nuk është zgjidhje as e qëndrueshme, as e përhershme. Pra, nuk mund të quhet finale, por marrëveshje gjysmëfinale.
“Në këtë kohë kur edhe presidenti Trump dhe të gjithë aleatët kryesor ndërkombëtar po kërkojnë nga lidershipi ynë që çështjen e Kosovës ta zgjidhim njëherë e përgjithmonë me Serbinë, ne duhet të jemi shumë më vigjilentë e syhapur, shumë më vizionar e kombëtar sesa ‘patriotë’ të çastit”.
Kurse, në lidhje me ftesën e partive qeverisëse bërë LDK-së për të marrë pjesë ne dialog, nënkryetari i LDK-së, ka theksuar se e kupton që ftesat e tyre i përngjajnë ftesës për “garën e pështymës”, por “nuk po e kupton vrapin e tanëve për të marrë pjesë në të”.
“Unë e kuptoj që ftesat e tyre i përngjajnë ftesës për ‘garën e pështymës’, por nuk po e kuptoj vrapin e tanëve për të marrë pjesë në të”

Leave a Reply

You must be Logged in to post comment.

© 2019 KosovaLindore · RSS · Designed by Theme Junkie · Powered by WordPress
ShqipEnglishDeutsch