Home » Lajme, Vendore » Ministri Milan Markovic anulon vendimin e K.Komunal të Bujanocit

Ministri Milan Markovic anulon vendimin e K.Komunal të Bujanocit

Ministri i vetadministrimit lokal dhe i çeshtjeve për pakicat

Milan Markovic ka anuluar vendimin e Kuvendit Komunal për ndryshimin e emërimeve të rrugëve dhe sheshit të qytetit të Bujanocit

 

Sipas një burimi të sigurt dhe mirë të informuar të Televizionit Spektri, Ministri Markovic ka nënshkruar anulimin e vendimit të K.K të Bujanocit që kishte të bëjë me iniciativën e Partisë Demokratike për ndryshimin e emnimeve të rrugëve dhe sheshit të qytetit.

Ky veprim i papritur i Ministrit Markovic do të shkaktojë një indinjat dhe revoltë tek popullata Shqiptare e komunës së Bujanocit, sepse kjo iniciativ e Partisë Demokratike e cila ishte e përkrahur edhe nga subjektet tjera politike që veprojnë në komunën tone, në kohën kur e aprovoi edhe kuvendi komunal, ishte pritur me një entuziazëm dhe gëzim të madhë nga fakti se në qytetin e Bujanocit nga 65 rrugëve të emëruara 64 nga to mbajnë emrat që identifikojn vetëm serbët, kurse vetëm një nga to mban emrin Ramiz Sadiku. Poashtu edhe vendimi për ndryshimin e emrit të sheshit të qytetit nga Karagjorgje Petrovic në Skenderbeu, është hedhur posht nga ana e ministrit Markovic.

Lirisht mund të thuhet se vendimit jo të matur dhe provokativ të ministrit Markovic i ka kontribuar edhe deklarata e Deputetit popullorë Riza Halimi, i cili vetëm 24 orë pas vendimit të kuvendit komunal për këtë çështje, në një deklarat për televizionin serb me frekuenc nacionale B-92 kishte pas deklaruar se ky vendim i këshilltarëve Shqiptarë të K.K të Bujanocit ishte i ngutur dhe jo mirë i analizuar.

RTV-Spektri, shumë shpejt do ti ketë edhe deklarimet e liderëve politik rrethë këtij skandali.

 

RTV SPEKTRI – BUJANOC

Leave a Reply

You must be Logged in to post comment.

© 2020 KosovaLindore · RSS · Designed by Theme Junkie · Powered by WordPress
ShqipEnglishDeutsch