Home » Lajme, Ndërkombëtare » Nasim Haradinaj në Hagë: Prokuroria të mos rehabilitojë kriminelët serbë

Nasim Haradinaj në Hagë: Prokuroria të mos rehabilitojë kriminelët serbë

Ish-nënkryetari i Organizatës së Veteranëve të Luftës së Luftës së UÇK-së, Nasim Haradinaj ka rrëfyer kohën e arrestimit e cila kishte ndodhur në shtator të vitit 2020. Edhe njëherë ai ka shprehur qëndrimin e tij kundër punës së Zyrës së prokurorit të Specializuar për të cilën ka thënë që po merr për dëshmitarë kriminelët serb.

Para Dhomave të Specializuara në Hagë, z.Haradinaj ka thënë se forcat e EULEX-it e kishte përcjellur deri pranë ndërtesës së një televizioni në Prishtinë në të cilin ai po shkonte për të dhënë intervistë, ku edhe u arrestua.

Në ditën e dytë të dëshmisë së tij, Haradinaj ka thënë se derisa policia e EULEX-it, ka tentuar ta arrestojë atë, ai ka këmbëngulur që kjo duhet të bëhet vetëm nga Policia e Kosovës.

“Kanë dalë ata dhe i kam pa përpara më kanë thënë ndalu policia, jam ndalë dhe njëri më ka dalë para më kanë thënë je i arrestuar, anglisht, i kam thënë pse, tjetri prapa më ka bërtit në gjuhën suedeze më ka thënë mos luaj, e kam parë atë përpara që është Muberg dhe aty pastaj kam filluar me pyet për çka, ai është munduar me nxjerr një letër me lexu, i thash unë dua me qenë Policia e Kosovës nëse jam i arrestuar”, ka thënë ai.

Nga vendi i arrestimi që kishte ndodhur në lagjen “Pejton”, në Prishtinë, Haradinaj ka thënë se është dërguar në selinë e EULEX-it në Fushë Kosovë, ku i është thënë se menjëherë do të transferohet për në Hagë.

Megjithatë, më pas Haradinaj ka treguar se e kanë lajmëruar udhëtimi nuk mund të bëhet deri ditën e nesërme.

Në ditën e dytë të dëshmisë së tij, Haradinaj ka thënë se fletë arrestin ndaj tij nuk e ka parë as në momentin e arrestimit e as gjatë qëndrimit në qendrën e EULEX-it.

“Kur kam dalë aty prej kerrit më ka thënë tash je këtu të ne, i kam thënë në rregull, këtu tha tani duhet me t’i vendosë prangat, unë nuk kam pas pranga, në oborr nja 20 metra deri kam hy mi kanë vendosur prangat deri kam hy brenda në objekt, por i kam thënë nuk ka problem. Policia jonë janë përshëndet, krejt në rregull, sjelljet kanë qenë të mira, fletë arresti në fakt atë që ka dashur me lexu nuk ma ka lexu dhe unë kurrë nuk e kam parë deri më ka ardhur si dokument këtu në burg kur kam ardh, më vonë pasi kam dalë në gjyq, për herë të parë”, ka thënë ai.

Pas një natë qëndrimi në qeli, Haradinaj ishte nisur për në qendrën e paraburgimit në Hagë, nën përcjelljen tani vetëm të hetuesve të Speciales, derisa Policia e Kosovës kishte qenë pjesë e operacionit vetëm gjatë arrestimit të tij në Prishtinë.

“Në ora 11 deri në 12 e di që më kanë dërguar të një pjesë tjetër të Aeroportit të Prishtinës, më kanë dërguar të një si kontejner, aty ma kanë bë një kontroll mjekësore dhe aty më kanë thënë se tash je në duart e punëtorëve të kësaj gjykate dhe përdorin të tjera pranga, ndërsa aty mi kanë heq ato pranga dhe ma kanë vendosur rripin me gjithë pranga tjetër lloj, ma ka bërë kontrollin mjeku dhe jemi nisë, më kanë thënë që nuk kemi përkthyes, për çdo gjë do të shoqërojë njëri prej këtyre oficerëve që e di suedishten dhe më ka shoqëruar oficeri që e di suedishten, ky tjetri dhe jo Moberg, ky i dyti që më tha atje suedisht mos lëvizë”, ka thënë Haradinaj.

Para trupit gjykues, Haradinaj ka thënë se nuk e ka kërcënuar asnjë dëshmitarë apo dikë tjetër gjatë jetës së tij.

“Prokuroria shpesh fjalët po i spekulon, ose duhet me panu që nuk dinë dhe po referohet kësaj. Spiunët e dimë krejt bota se kush janë, spiunët janë bashkëpunëtorët e regjimit komunist në atë kohë që më kanë përcjellë dhe që vazhdojnë fatkeqësisht ende të jenë në krye të qeverisë sime, nuk ka të bëjë me spiunë të këtyre. Bashkëpunëtorët janë ata të cilët edhe gjatë kohës së luftës, fatkeqësisht edhe shqiptarët që unë po lypi që dhe ta kjo prokurori t’i hetojë, kanë kryer krime së bashku me forcat serbe… (përmbajtje e redaktuar)”, ka thënë ai.

Edhe njëherë, ai e ka kundërshtuar qasjen dhe punën e Zyrës së Prokurorisë së Specializuar, duke thënë se e njëjta po rehabiliton kriminelë.

“Prap kërkoj nga kjo prokurori të mos vazhdojë me këtë rrugë, të mos vazhdojë me rehabilitu kriminelë, sepse të marrësh një dëshmi nga kriminelët, sidomos serb, nuk po quaj kriminelë pse janë serb por sepse janë të dëshmuar, kanë kry vet ekzekutime dhe kanë dhënë urdhër për ekzekutime, këta normal që për ta janë të edukuar që shqiptarët janë fajtor. Nuk dua ta përjetoj në shtetin tim të pavarur prapë një sistem, ose një gjykatë të Kosovës që është edhe më e rreptë se gjykatat serbë në ’81 në raport, më fal e thash gjykatë e kam fjalën të prokuroria, në raport me kohën që jetojmë sot, 40 vite më vonë. Nëse është e tillë, prap po them, jam kundër dhe në këtë formë që po shkon kjo prokurori vetëm me rastin tim që po e shoh, unë jam kundër, e kundërshtoj qind për qind”, ka thënë Haradinaj.

Me përfundimin e pyetjeve të avokatit mbrojtës, Haradinaj po vazhdon dëshminë e tij duke u përgjigjur në pyetjet e Zyrës së Prokurorit të specializuar.

Hysni Gucati dhe Nasim Haradinaj u arrestuan më 25 shtator 2020 prej kur edhe po qëndrojnë në paraburgim në Hagë.

Rrjedhja e disa dokumenteve nga Specialja, të cilat nga një person ende i panjohur janë dërguar në zyrat e OVL-UÇK, dhe bërja publike e kësaj ngjarje nga krerët e organizatës, është arsyeja pse po gjykohen Hysni Gucati e Nasim Haradinaj.

Mbi ta rëndojnë akuzat për vepra penale kundër administrimit të drejtësisë, konkretisht për pengim të personave zyrtarë në kryerjen e detyrave zyrtare, për frikësim të dëshmitarëve, për hakmarrje dhe për shkelje të fshehtësisë së procedurës.

Në ditën e dytë të dëshmisë së tij para Dhomave të Specializuara në Hagë, Haradinaj është përgjigjur në pyetjet e ZPS-së për të cilët ka thënë se janë fajtor për rrjedhjen e dokumenteve në OVL-UÇK.

“82 parlamentarë që e kanë çuar gishtin pa ditë çka janë duke bërë dhe ta kanë lejuar ty sot zotëri prokuror t’i uzurposh kompetencat edhe të Gjykatës Kushtetuese edhe të Avokatit të Popullit edhe të drejtësisë, nuk pyetet më kush në Kosovë hiç”, ka thënë Haradinaj.

Haradinaj ka thënë se ZPS ka bërë skandal me dokumentet që kanë rrjedhur.

“Po më detyron të them mos spekulo, ti mos spekulo, me më tregu më kujt i thash unë, unë nuk u thash dëshmitareve, t’u kam drejtuar ty si prokuror, ose ju si prokurori, për skandalin që e keni bërë, prandaj mos spekulo ti me mendimin tim se kujt i kam thënë unë, dëgjo mirë, përkthe mirë dhe e sheh. Ju kam drejtuar, në skandalin e juaj, ju e keni shkatërruar, e kam thënë edhe këtu, ju e keni shkatërruar vetveten, dhe dëmet nëse mendon që janë krijuar deri tash, zoti prokuror, i keni krijuar ju me fajin e juaj ose me qëllimin e juaj, sepse nuk dua të besoj që në këtë prokurori ka aq analfabetë sa lejon me i ndodh kjo çka i ka ndodh”, ka thënë Haradinaj.

Para trupit gjykues, Haradinaj ka thënë se janë punëtorët e ZPS-së ata që duhet të ishin gjykuar për rrjedhjen e dokumenteve.

“Çmimin ai që e bën duhet ta paguajë, prandaj ju jeni ata që duhet ta paguani këtë çmim, daljen (e dokumenteve) jeni ju që duhet të jepni përgjegjësi për këtë dalje, dhe mbrojtjen jeni ju ata që e keni premtuar dhe keni lyp një krijim të kësaj dhe parlamenti unë ua ka aprovuar dhe ju nuk e keni bërë. Është përgjegjësi e juaj dhe sot po them, ju jeni fajtor, ju ose dikush nga ju është dashur me qenë i ulur këtu, e keni këtë mundësi financiare, politike, dhe më keni sjell këtu mua”, ka thënë ai.

Haradinaj ka përsëritur që nga dokumentet që kishin shfletuar, kishin përmendur emra vetëm të personave që tashmë diheshin publikisht.

Ndërsa prokurori ka insistuar në pyetjen se a ka synuar Haradinaj që përmes konferencave dëshmitarët ta dinin se të tjerët tashmë ishin në dijeni për identitetin dhe dëshmitë e tyre.

“Zotëri prokuror, ti po do me gjuajt peshk në ujë të turbullt, e para, edhe sot ti vet nuk e ke konfirmuar këtu që ai material është i juaji, hala deri sot, e dyta, përpos atë pjesës ku po doni të na dënoni, e dyta ne nuk kemi nevojë me ditë a nuk doni ta dini ju, pyesni veten që a keni dashur që të tjerët ta dinë ose të paktën ne, organizata që na keni sjellë apo jo, nuk ka qenë kjo dëshirë e jona as nuk është varur prej dëshirës sonë apo mundësisë sonë”, ka thënë Haradinaj.

Ish-nënkryetari i OVL-UÇK ka thënë se nuk kanë qenë në dijeni nëse dokumentet, që një person i panjohur i kishte dërguar në organizatë, ishin konfidenciale dhe autentike.

Ndërsa për deklaratat e krerëve të organizatës se nuk kanë dashur të përmendin emra të dëshmitarëve në mënyrë që mos t’i rrezikojnë ata, Haradinaj ka thënë se qëndrime të tilla kanë shprehur pasi kanë dëgjuar profesionistët në debate televizive të thonë një gjë të tillë.

Dëshmia e Haradinajt po vazhdon për ditën e dytë me radhë në Dhomat e Specializuara në Hagë.

Hysni Gucati dhe Nasim Haradinaj u arrestuan më 25 shtator 2020 prej kur edhe po qëndrojnë në paraburgim në Hagë.

Rrjedhja e disa dokumenteve nga Specialja, të cilat nga një person ende i panjohur janë dërguar në zyrat e OVL-UÇK, dhe bërja publike e kësaj ngjarje nga krerët e organizatës, është arsyeja pse po gjykohen Hysni Gucati e Nasim Haradinaj.

Mbi ta rëndojnë akuzat për vepra penale kundër administrimit të drejtësisë, konkretisht për pengim të personave zyrtarë në kryerjen e detyrave zyrtare, për frikësim të dëshmitarëve, për hakmarrje dhe për shkelje të fshehtësisë së procedurës.

Derisa prokurori e ka pyetur nëse do të pengonte punën e Dhomave të Specializuara, Haradinaj ka thënë se DhSK duhet të ndryshojë qasjen dhe të merret me të gjitha krimet duke mos vepruar në mënyrë një-etnike.

Haradinaj ka thënë se është kundër çdo gjykate selektive, derisa ka përsëritur kërkesën e tij që Specialja të gjykojë të gjitha krimet në të kundërtën, ka thënë se është për shfuqizimin e saj nëse ajo vepron në mënyrë një-etnike.

“Varri më qet nga dheu mos me kundërshtu Millosheviqin unë”, ka thënë Haradinaj derisa nuk i ka mbajtur lotët.

Haradinaj ka thënë se do të mbështeste këtë gjykatë nëse e njëjta do të merrej me të gjitha krimet.

“Në momentin që e shtini zbulimin e të gjitha krimeve, ndryshoni qasje, prandaj janë këto që njerëzit nuk ju duan, kështu po reflektoni ndoshta është e gabueshme, kështu po reflektoni dhe është mirë dikush të thotë si po reflekton, është ndihmë, duhet me qenë falënderues, me sjelljet e juaja kështu po reflektoni. Njeriu që ka dënuar me vdekje njerëz, Vukçeviç nëse guxohet me fol, gjatë luftës, njeriu i parë i Millosheviqit, dyshi njeriu i parë i Millosheviqit, dhe t’i referoheni këtyre, çka mendon që ata mendojnë për shqiptarët, patologjikisht ata e kanë krijuar sendoren me i urrejt shqiptarët, nuk mund të vijë asgjë tjetër, edhe nëse vjen e drejtë besomani nuk do të jetë e besueshme prej popullit tim, 100 vjet na kanë vrarë, pre, grirë”, ka thënë Haradinaj.

Nasim Haradinaj ka thënë se OVL-UÇK vazhdimisht kanë kërkuar futjen e një amandamenti në ligjin për Dhomat e Specializuara të Kosovës dhe se kjo vazhdon të jetë kërkesë e tyre me qëllimin e vetën që gjykata të mirët me të gjitha krimet.

“Ne kemi kërkuar futjen e një amendamenti që parashikonte hetimet për të gjitha krimet e kryera, pavarësisht se kush i ka kryer ato. Këtë po e them. Për të qenë të qartë se ne nuk po kërkonim shfuqizimin apo mbylljen e DhSK-së, ju e keni qitë këtë se e kemi lyp ne shfuqizimin, ne kemi lyp një amandamentim ,me e shti me u ndjek kjo çka e thash më lartë, të gjitha krimet, dhe nëse kjo prokurori e pranon që nuk po do me i ndjek të gjitha krimet unë po të them edhe njëherë ne nuk po mundemi ta shfuqizojmë se ju jeni shtet paralel, Kosova e ngratë atje veç rri i tregojnë përralla shoqi’shoqit ata deputetë që e kanë çuar gishtin, se ju tash ja jepni fuqinë vetës, ju nuk e pyesni hiç Kosovën”, ka thënë Haradinaj.

Haradinaj ka thënë se është për shfuqizimin e gjykatës nëse e njëjta nuk pranon të mirët me të gjitha krimet e luftës në Kosovë, pavarësisht etnisë.

“Po do ti me më detyru me dalë kundër të drejtave të popullit tim, prano ti këtë që e ke kështu, që unë po ta pranoj nuk jam me ty nëse ti je monoetnik, nëse ti je selektiv, nëse ti nuk do me i qit kriminelët përpara këtu por do me saju të tjerë në bazë të dëshmisë së kriminelëve që e ke koordinator, unë po them jam kundër teje, dhe këtu jam kundër teje. Dhe nëse vazhdon dhe ma krijon këtë bindje unë e ndërpres dëshminë qoftë edhe me dëmtimin tim person, jam kundër atyre që duan të përlyejnë luftën dhe shtetin tim…13.13. Ju po dëshironi që DhSK-ja të rrëzohet ose ta paraqitni të tillë. Ne po dëshirojmë që DhSK-ja të përmirësohet ku ka mundësi, t’i ndjek të gjitha krimet, asgjë tjetër, a po të pengon kjo ty, nëse kjo të pengon po të them edhe njëherë, po du me u rrëzu nëse të pengon kjo me i ndjek të gjitha krimet, du me u rrëzu nuk du me ju pa hiç”, ka shtuar Haradinaj.

Haradinaj po përgjigjet në pyetjet e prokurorisë dhe kjo është dita e tij e dytë në bakën e dëshmitarit para Dhomave të Specializuara në Hagë.

Hysni Gucati dhe Nasim Haradinaj u arrestuan më 25 shtator 2020 prej kur edhe po qëndrojnë në paraburgim në Hagë.

Rrjedhja e disa dokumenteve nga Specialja, të cilat nga një person ende i panjohur janë dërguar në zyrat e OVL-UÇK, dhe bërja publike e kësaj ngjarje nga krerët e organizatës, është arsyeja pse po gjykohen Hysni Gucati e Nasim Haradinaj.

Mbi ta rëndojnë akuzat për vepra penale kundër administrimit të drejtësisë, konkretisht për pengim të personave zyrtarë në kryerjen e detyrave zyrtare, për frikësim të dëshmitarëve, për hakmarrje dhe për shkelje të fshehtësisë së procedurës.

Leave a Reply

You must be Logged in to post comment.

© 2022 Kosovalindore.com · RSS · Designed by Theme Junkie · Powered by WordPress