Home » Lajme, Vendore » Nderim për shtetin shqiptar, flamurin, Vlorën, dëshmorët e gjithë të rënët për liri

Nderim për shtetin shqiptar, flamurin, Vlorën, dëshmorët e gjithë të rënët për liri

Ditë  më parë, për të nderuar flamurin  kombëtar, 100 vjetorin e Pavarësisë së nënës Shqipëri si dhe  për të treguar se sot: Presheva, Medvegja e Bujanoci (toka shqiptare), janë të okupuara nga pushuesi serb, nga Gjilani janë nisur këmbë për në Vlorë 4 qytetarë:Gani Shaqiri, ,Ekrem Avdija,Dilaver Musliu e Nazim Hajdini, kryesisht me prejardhje  nga Kosova Lindore, përkatësisht nga Gjilani, Presheva, Medvegja e Bujanoci njëri prej të cilëve është anëtarë i kryesisë së shoqatës “Vatra” (Gani Shaqiri). Në mbrëmjen e ditës së parë të nisjes më, 10. 11. 2012, kanë arritur në Ferizaj, ku kanë kaluar natën dhe kanë pushuar. Në këtë rrugëtim  iu kanë bashkangjitur edhe qytetarë të tjerë.

Më pas kanë vazhduar për në Shtime, Suharekë, Prizren,  Zhurë, Vermicë dhe më 15. 11. 2012 kanë kaluar kufirin e tëholluar, apo më mirë të themi vijën e hollë kufitare administrative Kosovë- Shqipëri. Natën  e kësaj dite e kanë kaluar në Kukës, ndërsa më mbrëmjen e 16 nëntor, pasi kanë kaluar tunelin e Kalimashit, janë vendosur në një hotel aty pranë për të kaluar natën e për të pushuar, që më pas të vazhdojnë  rrugën, me një dëshirë e vullnet të madh për të arritur më kohë në Vlorë.  Më 18. 11. 2012 pa pasur pengesa të rastit e lodhje të mëdha kanë arritur në Milot. Rruga e gjatë sigurisht sjellë lodhje, por qëllimi  fisnik dhe dëshira për ta festuar këtë përvjetor  të 100 në Vlorë me të gjithë shqiptarët anembanë botës, ka bërë që këtë rrugë  deri në Milot  ta kalojnë pa e ndier lodhjen  dhe pa paraqitur asnjë  problem dhimbjet e  vogla të këmbëve.

Siç jemi të njoftuar nga anëtari kryesisë se shoqatës “Vatra”, Gani Shaqiri, gjatë kalimit  nëpër qytete e fshatra të shumta shqiptare, qytetarë të shumtë  i kanë përshëndetur më entuziazëm, u kanë ofruar ndihmë  dhe  i kanë përkrahur  pa rezervë për këtë simbolikë, për këtë vullnet  e për këtë dashuri të shprehur për Shqipërinë, flamurin, Vlorën, dëshmorët, atdhetarët  e gjithë popullin shqiptar. Edhe televizionet e mediat tjera të shkruara kanë bërë intervista dhe kanë shprehur gatishmërinë të përcjellin kohë pas kohe rrugëtimin e tyre. Gjithashtu, kryetarja e Republikës së Kosovës Atifete Jahjaga rrugës pas kthimit nga vizita e saj që ka pasur këto ditë në Tiranë, përkatësisht në hotelin pranë Kalimashit, më 16.11. 2012, është ndal dhe i ka përshëndet  dhe përgëzuar për iniciativën e marrë.

Shoqata “Vatra” edhe njëherë i përshëndet këta qytetarë e posaçërisht anëtarin e  saj Gani Shqirin, dhe u uron që të arrijë  sa më parë në Vlorën heroike.

SHSHKL “VATRA”

19,nëntorë 2012

Leave a Reply

You must be Logged in to post comment.

© 2019 KosovaLindore · RSS · Designed by Theme Junkie · Powered by WordPress
ShqipEnglishDeutsch