Home » Lajme » Në kalimin kufitar Preshevë-Tabanoc, nga e hëna fillon implementimi i kufirit të integruar

Në kalimin kufitar Preshevë-Tabanoc, nga e hëna fillon implementimi i kufirit të integruar

Nga e hëna në vendkalimin kufitar Preshevë-Tabanoc mes Serbisë dhe Maqedonisë së Veriut do të filloj implementimi i kufirit të integruar, që do të thotë se gjatë daljes nga Serbia për në Maqedoni udhëtarët do ti nënshtrohen vetëm kontrollit në Tabanoc te pjesa e Maqedonisë, kurse gjatë kthimit nga Maqedonia do të ndalen për kontrollë vetëm në doganën e Serbisë.
Kufiri i integruar në këtë vendkalim nënkupton që shërbimet e të dy vendeve do të jenë në të njëjtën shtëpizë dhe do të punojnë së bashku me qëllim që qarkullimi i njerëzve dhe mallrave të bëhet sa më i shpejtë dhe të evitohen pritjet e gjata.
Fillimin e aplikimit të kufirit të integruar solemnisht do ta inagurojnë dy kryeministrat e dy shteteve, Ana Brnabiq dhe Zoran Zaev ditën e hënë, më 26 gusht. Ana Brnabiq më pas do të takohet me Kryeministrin e Maqedonisë në Shkup, dhe është planifikuar një takim midis delegacioneve të të dy vendeve dhe nënshkrimit të disa marrëveshjeve të bashkëpunimit. Marrëveshje për kalim të integruar u nënshkrua në 12 korrik në Beograd.

Leave a Reply

You must be Logged in to post comment.

© 2019 KosovaLindore · RSS · Designed by Theme Junkie · Powered by WordPress
ShqipEnglishDeutsch