Home » Lajme, Sport » Nga ora 20:45 fillon ndeshja mes Kosovës dhe Maltës, në Ligën e Kombeve

Nga ora 20:45 fillon ndeshja mes Kosovës dhe Maltës, në Ligën e Kombeve

Kosova sonte do të ndeshet me Maltën në Prishtinë. Interesimi është i madh, derisa të gjitha biletat janë shitur në kohë rekorde

Kosova do të ndeshet me Maltën në Ligën e Kombeve në stadiumin “Fadil Vokrri” në Prishtinë nga ora 20:45.

“Dardanët” duan fitoren e dytë në grup, dhe mbajtjen e vendit të parë në grup, duke i dhënë shpresë për kualifikim në Kampionatin Evropian.

Atmosfera te Kosova është shumë e mirë, derisa shtabi teknik dhe lojtarët duan fitore. “Në radhë të parë jam i lumtur që pas një lëndimi jam kthyer në Kombëtare gati u bënë një vit. Jemi duke u  përgatitur mjaft mirë dhe unë besojë se do të shënojmë fitore, por assesi nuk mendojë se do ta kemi të lehtë, Kemi një atmosferë të mirë dhe po punohet me përkushtim”, është shprehur mesfushori Valon Berisha.

“Jemi duke stërvitur me intensitet të lartë, ndërkaq që kemi një atmosferë jashtëzakonisht të mirë brenda grupit. Kemi një bashkëpunim të mirë dhe po e qarkullojmë topin shumë mirë. Unë besojë dhe shpresojë në rezultat pozitiv”, deklaroi mesfushori i Zurichut, Hekuran Kryeziu.

Përzgjedhësi i Maltës, Ray Farrugia në konferencë për medie ka folur për ndeshjen me Kosovën dhe ka lartësuar futbollistët e Kosovës, por njëkohësisht ka thënë se Kosova nuk do ta ketë të lehtë.

“Sikur Kosova ashtu edhe ne kemi prurje të reja dhe jemi përmirësuar dukshëm. Kam thënë se Kosova është favorite duke u bazuar në futbollistët e saj që luajnë nëpër klube të mëdha dhe unë besoj se brenda pesë viteve Kosova do ta ketë një top-Kombëtare”, ka theksuar Farrugia.

Trajneri i klubit të Kosovës, portën ia ka besuar Samir Ujkanit.

Formacioni i Kosovës në këtë ndeshje:

Ujkani, Aliti, Rrahmani, Kololli, Kryeziu, Shala, Vojvoda, Zeneli, V. Berisha, Zhegrova, Muriqi.

Formacioni i Maltës:

Hogg, Mbong, S. Borg, Agius, P.Fenech, Mifsud, Schembri, Muscat, Failla, Corbolan, Apap

 

Leave a Reply

You must be Logged in to post comment.

© 2019 KosovaLindore · RSS · Designed by Theme Junkie · Powered by WordPress
ShqipEnglishDeutsch