Home » Lajme, Opinione » POLITIKANË TË TIRANËS, MJAFT MË ME ANTIKOSOVARIZËM! (PJ 2 )

POLITIKANË TË TIRANËS, MJAFT MË ME ANTIKOSOVARIZËM! (PJ 2 )

NGA SKËNDER SADRI KAPITI

Vazhdim…Shqiptarët e Kosovës nuk i mposhti kurrë Serbia me krimet, genocidin as me torturat, vrasjet , as nuk mundi t’i nënshtrojë kurrë , ndërsa del një  farë kryeministri nga Shqipëria , i cili sot është personi më i urryer dhe më i neveritshëm në Shqipëri dhe fyen madje edhe në  Kosovë politikanët e saj, shoqërinë civile atje, intelektualët dhe pjesën më patriotike të Kosovës pse ata nuk pranojnë  por me të drejtë kërkojnë që asnjë pëllëmbë toke e Kosovës nuk i duhet dhënë Serbisë.  Nga Shqipëria ashtu si gjithmonë kurrë Kosova mos të presë ndonjë gjë të madhe, pasi  politikës në Tiranë gjithnjë i ka interesuar vetëm kolltuku i pushtetit.

Shqiptarët e Kosovës dhe politikën e Kosovës i fyen Edi Rama sepse ata nuk janë si ai, i cili u fali grekëve tokë për varreza për ushtarët pushtues grek , si dhe qeveria dhe diplomacia e qeverisë së tij legjitimoi zgjerimin e sovranitetit të shtetit grek mbi hapësirën detare të Shqipërisë dhe as që i intereson as atij, as qeverisë së tij hiç fare Çamëria.

Asnjë qeveri në Shqipëri, as kësaj të sotme, nuk është interesuar as për emigrantët shqiptarë të cilët keqtrajtohen e torturohen deri edhe kur racizmi dhe shovnistët grekë kanë edhe vrarë dhjetra shqiptarë,ndërsa Greqia për një ekstremist të armatosur minoritar grek në Bularat të Shqipërisë e bëri problem ndërkombëtar, dhe deri edhe sfidoi në Shqipëri autoritetet shtetërore të shtetit me protesta e thirrje raciste antishqiptare dhe me simbole greke e vorioepirote.

Po kështu Tirana politike është treguar inferiore edhe ndaj shtetit artificial dhe shume të dobët të Maqedonisë e cila edhe pse eshte një shtet i pa takatë, ajo shkel dhe mohon liritë dhe të drejtat njerëzore, kombëtare dhe të drejtën shtetformuese të shqiptarëve të Maqedonisë.

Dhe a mund t’i besohet politikës së Tiranës se ajo ka interesim dhe përkushtim serioz në mbrojtje të lirive dhe të të drejtave kombëtare të shqiptarëve të Kosovës Lindore?  

A  këtij kryeqeveritari  dhe të tjerëve si ky,mund t’u besohet se e kanë me të vërtetë dhe e duan Bashkimin Kombëtar ?! 

Kur i fyen bashkëkombasit  e tu hapur madje, kjo do të thotë  se ti  i urren ata, dhe kur i urren ata nuk ke se si të jesh human, i ndjeshëm , i përgjegjshëm , as që mund dhimbsen ata, dhe as që mund të të interesojë interesi kombëtar dhe jo më Bashkimi i Kombit.

Shqiptarët e Kosovës gjithnjë e kanë admiruar Shqipërinë dhe e kanë konsideruar atë si Shtet Amë, prandaj dhe për këtë  edhe u kanë besuar  verbërisht  e deri në fanatizëm edhe politikës e pushtetit në Shqipëri  edhe pse ata nuk është se kanë pasur ndonjëfarë respekti e përgjegjshmërie serioze për Kosovën .

Shqiptarët e Kosovës i kanë dashur dhe besuar të gjithë politikën dhe pushtetet në Shqipëri   pa marrë parasysh se cili udhëheqës dhe cila politikë ka sunduar në Tiranë.

E kanë respektuar çdo pushtet dhe politikë në Shqipëri pasi e kanë dashur gjithmonë Shqipërinë më shumë se sa jetën e tyre.

E kanë dashur  dhe e duan Shqipërinë  pavarësisht se Shqipëria politike kurrë nuk është interesuar seriozisht për mbrojtjen e lirive dhe të të drejtave njerëzore dhe kombëtare të shqiptarëve të Kosovës; pavarësisht se edhe kurrë Shqipëria nuk ka bërë dhe as nuk ka hyrë në luftë me Serbinë për Kosovën.

E kanë dashur dhe respektuar Shqipërinë, shtetin dhe politikën shqiptare edhe pavarësisht se Shqipëria asnjëherë zyrtarisht dhe politikisht e diplomatikisht në asnjë institucion ndërkombëtar nuk ka bërë kërkesë për Bashkimin e Kosovës me Shqipërinë, ndërkohë që për mbi një shekull shqiptarët e Kosovës kanë sakrifikuar aq shumë për Bashkimin Kombëtar dhe se shqiptarët e Kosovës edhe e kane mbrojtur Shtetin Amë të Shqipërisë, Sovranitetin e Saj kundër të gjitha përpjekjeve dhe synimeve serbo-sllave dhe greke për ta asgjësuar edhe Shqipërinë si shtet.

A nuk e dinë akoma edhe sot politika në Tiranë se Kosova ka qenë gjithmonë kështjellë mbrojtëse për Shqipërinë, pengesa kryesore kundër sllavo-barbarëve  për deshqiptarizimin e trojeve shqiptare?

A nuk janë ndërgjegjsuar tashmë se sa e rëndësishme dhe jetike për Kombin shqiptar është Kosova, djepi i shqiptarizmës?

I pyes politikanët e Tiranës se përse Kosova është tmerr për Serbinë dhe Rusinë?

Përgjigjen po ua jap unë.

Serbia dhe Rusia kanë tmerr Kosovën , Shtetin e Ri shqiptar sepse tashmë ata e shohin se nuk munden më që ta pengojnë Bashkimin Kombëtar të shqiptarëve; ata i trëmb Kosova, vëndi i Lidhjes Shqiptare të Prizrenit, djepi që lindi dhe i dha shtysën Rilindjes së Madhe Kombëtare Shqiptare.

Ata po i tmerron fakti se tashmë së shpejti Kosova do të ketë ushtrinë e saj, dhe serbët e dinë mirë se çdo të thotë kjo për ta.

Me formimin e Shtetit të Kosovës shqiptarët janë shndërruar në faktor kryesor në Ballkan.

Nuk ka pse politika e Tiranës të frikësohet se me Bashkimin e Shqipërisë me Kosovën mund të cënohen interesat e tyre personale . Në Shtetin e bashkuar kombëtar shqiptar  nuk kanë rëndësi kokat e kokëboshëve politik por rëndësi ka shteti dhe kombi, dhe me Bashkimin e Kosovës me Shqipërinë merr fund edhe sundimi i këtyre kokëboshëve  injorantë dhe antikombëtarë. Me formimin e Shtetit Shqiptar të Kosovës po shëmben gënjeshtrat, po bien e rrezohen mitet dhe falsiteti i kombit dhe i shtetit serb, Serbia do të marrë teposhtëzën dhe do të  shkojë  atje ku e ka vëndin, duke e përzënë  nga  trojet  shqiptare

Respekti i madh që kanë shqiptarët e Kosovës për shqiptarët e Shqipërisë, për Shqipërinë dhe për politikën dhe pushtetin në Shqipëri të cilin e zgjedh populli shqiptar i Shqipërisë  kjo nuk do të thotë  që shqiptarët e Kosovës duhet ta tolerojnë p.sh.kryeministrin e Shqipërisë që të shprehet në mënyrë kaq të ulët duke i quajtur politikanët e Kosovës disa muaj më parë lopë që e derdhin qumështin , pse ata kundërshtonin për Demarkacionin dhe pse ata kërkonin shfuqizimin e Gjykatës Speciale.

Kur i quan politikanët kosovarë kështu duhesh të matesh mirë se po fyen jo vetëm ata por edhe qindra mijra shqiptarë të tjerë të cilët luftuan dhe derdhën gjakun për liri dhe për pavarësi. Nuk kanë  guxuar që ta bëjnë këtë  fyerje kaq të rëndë as europianët  antishqiptarë por as edhe serbët dhe këtë e bën në mënyrë të papërgjegjshnme një Kryeministër shqiptar.

Ai duhet të matet shumë kur të flasë. Kjo tregon se sa respekt e ndjesi ka kryeministri i Shqipërisë për Kosovën dhe për shqiptarët e Kosovës, kjo tregon se sa  ai e njeh Shtetin dhe Pavarësinë e Kosovës dhe sa i dhimbset atij Kosova .

A nuk ishte dështim i qeverisë, politikës dhe i diplomacisë shqiptare të këtyre viteve kur ne pushtet është Rama fakti i miratimit të KiE të 4 amendamenteve  të Serbisë kundër Kosovës, të cilat e dëmtuan edhe Pavarësinë e saj.

A nuk ishte dështim i qeverisë Rama edhe moslobimi i saj për t’u antarësuar Kosova në UNESKO, si dhe dështimi më i fundit ku  Shqipëria as nuk u ndie dhe as nuk u pa gjëkundi përkushtimi  dhe as interesimi  minimal i saj për antarësimin e Kosovës në  Organizatën e Interpolit.

Nuk  mund të shfajësohet dot E.Rama  që pas dështimeve të na dalë e të pompozojë retorikën e tij patriotike dhe  me nuanca antiBE si për mos hapjen e negociatave për antarësim të Shqipërisë ne BE dhe ashtu për mos liberalimin e vizave për qyteterët e Kosovës.

Nuk ka nevojë Kosova për “ndihmën” e politikës antiSHBA  dhe as të altoporlantëve antiBE të Tranës.

Shqiptarët e Kosovës Liundore nuk kanë nevojë për fjalë e premtime por kanë nevojë për ndihmë dhe mbështetje reale nga Tirana dhe tani edhe nga Prishtina.

Shqiptarët nuk kanë nevojë për propaganda e për dukje mashtruese patriotike por për rezultate konkrete në luftën kundër krimit dhe korrupsionit , për drejtësinë,zhvillimin, punësimin, joeksodin dhe integrimin.  Për këto kanë nevojë shqiptarët e Shqipërisë dhe të Kosovës dhe jo për hipokrizira dhe për batuta dhe epitete banale.

Nuk mashtrohet askush më  prej  politikanëve të Tiranës me retorika e fjalime patriotike të cilat edhe ato i bëjnë vetëm për të fituar pikë politike personale dhe vetëm në momente kur fillon e u lëkundet interesi  dhe pushteti politik  personal. 

Kjo është  shkolla “patriotike”  e politikës dhe e politikanëve të Tiranës që prej 100 viteve të Shtetit Shqiptar.

Kryeministri I Shqipërisë duhet ta dijë duhet ta dijë  mirë se shtet i Pavarur do të thotë shtet  i cili ngre dhe ndërton institucionet  shtetërore të pavarura të tij pra edhe gjykatën, edhe drejtësinë vendore , dhe jo drejtesi të varur nga kushdoqoftë i huaj, qoftë edhe nga  BE-ja.

Po kështu edhe me rastin e festës së Pavarësisë Kryeministri i pakorigjueshëm i  Shqipërisë  fyen shumë rëndë politikanët e Kosovës duke i quajtur ata gomarë, ata të cilët kundërshtojnë  dhe nuk janë dakord me Thaçin , me presidentin e Kosovës.

Ky është faj i rëndë për të , pasi shumica e jo vetëm politikanëve kosovarë, por edhe shumica dërrmuese e intelektualëve dhe e shoqërisë kosovare janë shprehur kundër  korigjimit të kufijve dhe kundër shkëmbimit të territoreve mes Kosovës dhe Serbisë.

Askujt nuk i lejohet që të ofendojë e të injorojë kombin e vet, as pjesë  të  të tij të cilët kundërshtojnë dhe nuk janë dakord me politikën e pozitës apo të opozitës , as ata të cilët kundërshtojnë qeverinë apo Presidentin. 

E pyes E. Ramën se si do të ndjehej ai  dhe opozitarët e drejtuar prej tij sikur një Kryeministër i Kosovës t’i quante  gomar  atë  dhe ata të cilët kanë qenë  dhe kanë protestuar dhe janë akoma kundër pushtetit të ishpozitës dhe të Sali Berishës?!

Politikani apo pushtetari i cili fyen dhe ofendon politikën dhe politikanët e zgjedhur nga populli njëkohësisht fyen edhe ata prej të cilëve janë votuar e zgjedhur  prej tyre.

Kur fyen një pjesë të kombit ke fyer tërë Kombin.

Shteti dhe pushteti i cili e drejton Kombin është i paanshëm dhe respekton dhe   u shërben të gjithëve njëlloj, aq më tepër që Kosova është shtet i Pavarur dhe nuk ka nevojë  as për patronazhin  dhe as për këshillime  dhe ofeza  të tilla që i bën vetëm njerka.

Unë jam një nga ata, por i paangazhuar politikisht, i cili kam mendimin tim që përputhet me atë të Thaçit që Kosova Lindore, Lugina e Preshevës t’i bashkangjitet Kosovës në mënyrë që shqiptarët e atjeshëm të mos mbesin përgjithmonë nën Serbi, madje e kam shprehur këtë ide  shumë vite para Thaçit, por kjo nuk do të thotë që unë të ndjehem mirë  politikisht  dhe as nuk duhet ,dhe askush , asnjë shqiptar nuk ka nevojë për një “mbështetje” të tillë të idesë së Thaçit me të tilla fjalë fyese të cilat ofendojnë rëndë shumicën  e politikës e politikanëve shqiptarë dhe të shoqërisë  kosovare  të cilët me të drejtë kërkojnë pacënueshmërinë territoriale, mosndarjen e  Kosovës, nëse Thaçi e ka këtë si ide  tinëzare dhe të padeklaruar akoma.

Askujt nuk i lejohet , pavarësisht postit e detyrës së lartë shtetërore që të ketë, atij nuk i lejohet që të shkelë Kushtetutën dhe Vullnetin e Kombit të tij.

Kosova jo vetëm se nuk ka asnjë pëllëmbë tokë serbe ,por Kosova duhet të bashkohet , asaj duhet t’i bashkangjitet territoret dhe pjesët e saj të cilat janë akoma nën Serbi si Kosova Lindore dhe Toplica. Askujt nuk i lejohet që të bisedojë e të bëjë marrëveshje përveç përfaqësuesve legjitim të popullit të Kosovës. Bashkimi i Kosovës me Shqipërinë , kush mendon dhe kush bën pazare se ky Bashkim do të bëhet me  Kosovë të cunguar, duke  shkëputur pjesë nga trupi i saj , kjo do të shënohet si tradhëti e lartë kombëtare. Është e papranueshme që me Kosovën të veprohet ashtu sikurse bënë  tragjedinë Shtetet  e Europës, Fuqitë e Mëdha të saj me coptimin e Shqipërisë në vitin 1913. Aq më keq është akoma pasi atëhere askush nuk i pyeti dhe as nuk i dëgjoi shqiptarët, ndërsa sot është e paimagjinueshme dhe e pabesueshme që ndarja e Kosovës të pranohet nga ndonjë  përfaqësues apo shtetar i Kosovës.

Ofendimi që iu bë politikanëve të Kosovës nga Kryeminisrtri shqiptar, prej tij ndjehet keq  çdo shqiptar i Kosovës, dhe askush nuk ia kishte këtë ofendim atij si borxh.

Se sa dashamirës është kryeministri i Shqipërisë për Kosovën dhe për kosovarët e ka treguar edhe rasti i taksës së” Rrugës së Kombit” për të cilën jo vetëm se nuk u konsultua me politikën dhe me qeverisjen kosovare por nuk u pyet askush  për të edhe as në Shqipëri madje. Me këtë taksë të lartë ky kryeministër pseudopatriot  i gjobit shqiptarët e Kosovës edhe për të ardhur dhe për ta festuar Festën Kombëtare të Pavarësisë në Tiranë dhe në Vlorë.

Kosovë mos prisni se politikën antiKosovë të Tiranës ta kritikojnë dhe t’i bëjnë opozitë  mediat nga Shqipëria, pasi ato janë mercenare dhe të sponsorizuara në shumicën e tyre nga fonde të antishqiptarizmit për t’u shërbyer interesave të huaja në Shqipëri , gjë e cila u ekspozua nga mediat dhe nga vetë politika greke.Edhe ai patriotizmi  politik dhe mediatik në dukje te disa media  ka finesën antikombëtare dhe maskën e hipokrizisë djallëzore ku si të tilla media dhe gazetarë janë fatkeqësisht ka edhe në Kosovë.

Leave a Reply

You must be Logged in to post comment.