Sulmuesi kosovar, Milaim Rama, ka shkëlqyer të shtunën në ndeshjen miqësore që skuadra zvicerane FC Thun barazoi me Kölnin me rezultatin 2:2.

Rama pasi u inkuadrua në lojë nga banka rezervë në minutën e 60-të, arriti të shpërthejë. Ai realizoi golat në minutat 72′ e 78′. Madje ai shënoi edhe një gol të tretë, por iu anulua për pozitë jashtë loje. Thuni e zhvilloi ndeshjen në stadiumin e ri, të sapondërtuar. “Është një kënaqësi të luash në stadium të ri. Kjo më ka motivuar më shumë dhe e kam shijuar çdo minutë”, ka thënë Rama. Rama 35-vjeçar pak javë më parë vazhdoi kontratën me Thunin deri në verën e vitit 2012.