Home » Lajme, Rajonale » Tetova pret Sali Berishën

Tetova pret Sali Berishën

Tetova është e gati për mikëpritjen e kryeministrit shqiptar Sali Berisha, ndërsa edhe Komuna ka bërë të gjitha përgatitjet për një ceremoni të tillë, shkruan Zhurnal.

Përmes një konferencë për media, zëdhënësi i komunës së Tetovës Flakran Pustina ka njoftuar qytetarët se ditën e mërkurë, më 9 nëntor nga ora 15 në vizitë zyrtare në komunën e Tetovës do të qëndrojë kryeministri i Republikës së Shqipërisë Sali Berisha.

“Kryetari i komunës së Tetovës Sadi Bexheti e çmon lartë vizitën e kryeministrit Berisha në komunën e Tetovës, andaj po bëjmë përgatitjet e fundit për një pritje madhështore të kryeministrit shqiptar”, ka thënë Pustina.

Sipas tij, kësaj pritje duhet t’i bashkohen të gjithë qytetarët e Tetovës. “Shfrytëzojmë rastin të ftojmë të gjithë qytetarët e Tetovës të jenë pjesë e kësaj pritje, së bashku në mënyrë të organizuar të presim kryeministrin e Republikës së Shqipërisë Sali Berisha”, ka thënë Pustina.

Leave a Reply

You must be Logged in to post comment.

© 2020 KosovaLindore · RSS · Designed by Theme Junkie · Powered by WordPress
ShqipEnglishDeutsch