Home » Lajme, Ndërkombëtare, Sport » Xhaka: “E kam ëndërr premierligën dhe nuk bëj gjithçka për para”

Xhaka: “E kam ëndërr premierligën dhe nuk bëj gjithçka për para”

XhakaSikur të nënshkruaja për Sunderland-in, njerëzit do të thoshin se këtë e kam bërë vetëm për para. Ndërkaq unë nuk rrjedh nga ndonjë familje e etshme për para, por nga një familje me karakter të fortë.

Granit Xhaka i Borussia Mönchengladbach-ut të bundesligës gjermane vazhdon ta ketë ëndërr kalimin në premierligë angleze dhe të mos e fshehë këtë.

Së fundi, në një intervistë dhënë medieve sportive gjermane FunkeSport dhe DerWesten.de/Sport ai e ka theksuar edhe njeherë këtë synim të tij. «Anglia është ëndrra ime. Se a do të më rralizohet, e di vetëm zoti», ka thënë Xhaka i ri në këtë intervistë.

Dhe, ka tërhequr vërejtjen ai, për të nuk luan shme rol paraja, por më me rëndësi është sfida sportive. E këtë sfidë ai e sheh të realizuar vetëm në premierligën angleze. «Une, nëse e dërroj klubin, dua ta bëj një hap sportiv më tutje. Sikur të nënshkruaja për Sunderland-in, njerëzit do të thoshin se këtë e kam bërë vetëm për para. Ndërkaq unë nuk rrjedh nga ndonjë familje e etshme për para, por nga një familje me karakter të fortë», thotë Xhaka vëllai i të cilit, Taulanti, luan për FC Basel-in.

Sa për sfidën e ndeshjes ku ai dhe Taulanti do të mbrojnë ngjyrat e dy ekipeve kundërshtare, Zvicrës dhe Shqipërisë, Graniti thotë: «Ai që për një situatë të ngjashme do të thoshte se nuk është ndeshje speciale, thjesht, do të gënjente. Për 90 minuta ne si profesionistë do ta heqim nga mendja se jemi vëllezër. Le të fitojë më i miri. Ndërsa babai dhe nëna do të kenë vetem një shans: Njëra dorë duartroket për Zvicrën, tjetra për Shqipërinë», thotë Granit Xhaka

 

Leave a Reply

You must be Logged in to post comment.

© 2021 Kosovalindore.com · RSS · Designed by Theme Junkie · Powered by WordPress