Albin Kurti në takim me përfaqësuesit e Luginës, kërkon unitet për zgjedhje
Read Time:59 Second
Një listë e përbashkët e shqiptarëve të Luginës së Preshevës në zgjedhjet parlamentare në Serbi, do të ndihmonte shumë përfaqësimin sa më të mirë të shqiptarëve në këtë institucion. Kështu është thënë pas takimeve që përfaqësuesit e shqiptarëve të Luginës zhvilluan me kryeministrin e Kosovës, Albin Kurti.
Në takim me kryeministrin Kurti, brenda dy ditëve kanë marrë pjesë gjashtë nga shtatë kandidatët shqiptarë për deputetë në zgjedhjet e 17 dhjetorit në Serbi, të cilët tashmë kanë publikuar kandidaturat e tyre.
Kryeministri i falënderoi pjesëmarrësit në takim: Shaip Kamberin, Nagip Arifin, Ragmi Mustafën, Shqiprim Musliun, Naser Azirin e Armend Aliun, për kontributin e tyre të deritanishëm dhe u dëshiroi sukses në zgjedhjet e radhës.
Sipas Kryeministrisë, në takim është diskutuar gjendja e shqiptarëve në Preshevë, Medvegjë e Bujanoc, diskriminimi që po u bëhet atyre dhe asimetria me Kosovën, ku siç dihet, “në Kosovë deputetët e Listës Serbe i bojkotojnë dhjetë ulëset e rezervuara, ndërkaq në Luginë, shqiptarëve iu pasivizohen adresat dhe diskutohet nëse do të mund t’i arrijnë tre deputetë”.
Kujtojmë, se zgjedhjet parlamentari në Serbi mbahen me 17 dhjetori. Në zgjedhjet e kaluar në Kuvendin e Serbisë shqiptarët janë përfaqësuar vetëm me një deputet, Shaip Kamberin.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating