Albin Kurti: Presidenti i Serbisë refuzoi ofertën time bujare
Read Time:53 Second
Kryeministri i Kosovës, Albin Kurti ka komentuar sërish takimin e 18 marsit në Ohër, duke e akuzuar presidentin e Serbisë, për mosgatishmëri që ta nënshkruaj marrëveshjen e propozuar nga Bashkimi Evropian. Kurti shkruan në Twitter se presidenti Vuçiq ka refuzuar siç e quan ai, ofertën e tij bujare për vetmenaxhimin e serbëve.
“Pas refuzimit të nënshkrimit të Marrëveshjes së 27 Shkurtit dhe para se të refuzonte përsëri nënshkrimin e saj me Aneksin e 18 Marsit, presidenti i Serbisë refuzoi ofertën time bujare të vetëmenaxhimit për serbët e Kosovës në një asociacion që unë do ta hartoja dhe propozoja. A është ai Dr. Jo apo z. Nyet? E dimë që ai nuk është mjek”, ka shkruar Kurti.
Me këtë shkrim kryeministri Kurti ka ironizuar me presidentin serbe Vuçiq, duke e quajtur Dr. Jo apo Nyet. Kujtojmë se Nyet apo Dr, Jo i referohet diplomatit rus Andrei Gromyko, i cili kishte përdorë disa herë të drejtën e vetos sovjetike në Këshillin e Sigurimit të Kombeve të Bashkuara. Gromyko ishte një politikan dhe diplomat sovjetik komunist gjatë Luftës së Ftohtë.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating