Albin Kurti takon liderët e Luginës për t’i unifikuar për zgjedhjet parlamentare
Kryeministri i Kosovës, Albin Kurti sot takon liderët e partive shqiptare nga Lugina e Preshevës, në një përpjekje për bashkimin e tyre në një listë të përbashkët për zgjedhjet parlamentare në Serbi.
Sipas burimeve të Dukagjinit, Kurti do të presë në qeveri në ora e mbrëmjes liderët lokalë të Luginës së Preshevës.
Qëllimi i këtij takimi është arritja e një marrëveshje për hyrjen e të gjitha partive në një listë të përbashkët në zgjedhje.
Presidenti i Serbisë, Aleksandër Vuçiq ka njoftuar ditë më parë për zgjedhjet e reja parlamentare që do të mbahen më 17 dhjetor të këtij viti.
Kujtojmë se kryeministri Kurti në çdo proces zgjedhor ka kontribuar në unifikimin e faktorit politik shqiptar në Luginë të Preshevës
