Albin Kurti uron Ardita Sinanin: Tani mbështetja për Preshevën do të rritet edhe më shumë
Read Time:1 Minute, 7 Second
Kryeministri i Kosovës, Albin Kurti ka pritur sot fituesen e zgjedhjeve në komunën e Preshevës, Ardita Sinanin
Kryeministri Kurti e ka uruar zonjën Sinani për fitoren bindëse në zgjedhjet e 2 qershorit duke e përgëzuar për suksesin e arritur.
Kryeministri ka deklaruar se tani Ardita Sinanin e pret një angazhim serioz për formimin e një koalicioni të fortë për një qeverisje të qëndrueshme.
Albin Kurti ka premtuar se tani kur në udhëheqjen e komunës së Preshevës do të jetë Ardita Sinani mbështetja për Preshevën vetëm sa do të rritet e shtohet me bashkëpunimin e afërt që do ta kemi.
Postimi i Kryeministrit Kurti
Mirëprita në kryeministri Kryetaren e ardhshme të Komunës së Preshevës, Ardita Sinani.
E urova për fitoren bindëse dhe e përgëzova për suksesin e arritur. Krahas punës që po vazhdon në njësinë zgjedhore në Leran të Preshevës, meqë aty do të ketë rivotim të enjten e javës që po vjen, Arditën tani e pret një punë tjetër e rëndësishme për ndërtimin e një koalicioni të fortë për një qeverisje të qëndrueshme e në shërbim të qytetarëve. Për këtë të fundit më njoftoi se tashmë ka filluar angazhimin e saj të plotë e të sinqertë.
Vëmendja dhe mbështetja për Preshevën që nuk ka munguar gjatë qeverisjes sonë, vetëm sa do të rritet e shtohet me bashkëpunimin e afërt që do ta kemi.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating