Arrestohet serbi në Beograd pasi kërcënoi me “plumb në ballë” ambasadorin Hill
Sot në Beograd është arrestuar 50-vjeçari S.B. përshkak të kërcënimit me vrasje të ambasadorit amerikan në Serbi, Christopher Hill, ka konfirmuar për Tanjugën kryeprokurori publik i Prokurorisë së Lartë Publike në Beograd, Nenad Stefanoviq.
I arrestuari, siç dyshohet, në rrjetin social “Facebook” ndër të tjera ka shkruar “Koha për një goditje të re të Gavrilo Principit direkt në kokën e okupatorit Christopher Hill…”
I dyshuari akuzohet se ka kryer veprën penale “rrezikimi i personit nën mbrojtje ndërkombëtare”, tha prokurori Stefanoviq. Ai brenda 48 orëve do të sillet në prokurori për t’u marrë në pyetje.
