Besnik Bislimi i përgjigjet pozitivisht ftesës për rundin e ri të dialogut
Read Time:1 Minute, 8 Second
Këshilltari për medie i zëvendëskryeministrit Besnik Bislimi, Klisman Kadiu, ka thënë se e kanë pranuar pozitivisht ftesën e emisarit të BE-së, Miroslav Lajçak, për takimin e radhës në kuadër të procesit të dialogut në nivel kryenegociatorësh të martën e 19 marsit në Bruksel.
Kadiu ka thënë se sipas ftesës, fokus i agjendës së diskutimeve do të jetë avancimi i zbatimit të marrëveshjes në rrugën drejt normalizimit si dhe aneksi zbatues.
“Pas takimit të 5 marsit të javës së kaluar me emisarin Lajçak, zëvendëskryeministri Bislimi ka pranuar një ftesë nga ai, për takimin e radhës në kuadër të procesit të dialogut, në nivel kryenegociatorësh, për të martën e ardhshme. Ftesa potencon si fokus të agjendës së diskutimeve avancimin e zbatimit të Marrëveshjes në rrugën drejt normalizimit si dhe Aneksin Zbatues”, ka shkruar Kadiu.
Tutje ai ka potencuar se Kosova u përgjigjet pozitivisht ftesave, të cilat kanë për qëllim përqëndrimin në rrugën përpara e zbatimin e marrëveshjeve në kuadër të procesit të dialogut.
“Kosova i përgjigjet pozitivisht ftesave të cilat kanë për qëllim përqëndrimin në rrugën përpara e zbatimin e marrëveshjeve në kuadër të procesit të dialogut, të cilat duhet të çojnë drejt normalizimit të marrëdhënieve dhe finalizimit të procesit. Qasja jonë konstruktive duhet të njihet me konstruktivitet e bashkëpunim dhe nga pala tjetër”, ka shkruar Klisman Kadiu në Facebook.
https://www.facebook.com/klinsman.kadiu/
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating