Besnik Bislimi: Nemanja Radivojeviq-Gandi, i dyshuar për sulmin terrorist në veri
Read Time:1 Minute, 12 Second
Zëvendëskryeministri i parë në Qeverinë e Kosovës, Besnik Bislimi, konsideron se i dyshuari për sulmin me granatë dore në stacionin e policisë në Zveçan më 26 nëntor 2024, e që bashkë me sulmin në ndërtesën e komunës atje më 28 nëntor 2024, i paraprinë sulmit terrorist e kriminal ndaj infrastrukturës kritike në vend është Nemanja Radivojeviq – Gandi, dora e djathtë e Millan Radoiçiqit.
Në një postim në ‘Facebook’, Bislimi ka adresuar përgjegjësinë për sulmin te shteti i Serbisë.
“Lista Serbe u nxitua mbrëmë që të distancohet nga sulmi terrorist i eksplodimit në kanalin Ibër-Lepenc në Varagë të Zubin Potokut, kur pakçka dihej. Ministri i jashtëm serb, Marko Gjuriq, u distancua vetëm që të mund ta sulmojë Kryeministrin Albin Kurti. Presidenti i Serbisë Aleksandar Vuçiq sot tha që nuk deshi të nxitohej në distancim të hershëm. Ndërkohë, kështu kanë thënë edhe për sulmin në Banjskë të Zveçanit kur e vranë rreshterin e policisë sonë, Afrim Bunjakun. Janë distancuar por ende e mbështesin dhe financojnë Millan Radoiçiqin i cili qarkullon nëpër Serbi dhe planifikon e organizon sulme mbi Kosovën nga ana tjetër e kufirit”, ka shkruar Bislimi.
Tutje, Bislimi thotë se dora e djathtë e Radoiçiqit, Nemanja Radivojeviq – Gandi, është i dyshuari për sulmin me granatë dore në stacionin e policisë në Zveçan më 26 nëntor si dhe në sulmin në ndërtesën e komunës,më 28 nëntor 2024, që, sipas Bislimit, i parapriu sulmit terrorist e kriminal ndaj infrastrukturës kritike të vendit.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating