Bujanoc: Shaip Kamberi merrë 698 vota, të mjaftueshme për ta marrë mandatin e deputetit

Në zgjedhjet e ripërsëritura në njësinë numër 6 në Tërnoc të Bujanocit, Koalocioni i Shqiptarëve të Luginës ma bartës Shaip Kamberi ka marrë 698 vota, gjë që siguron edhe këtë mandat të deputetit popullor në Kuvendin e Serbisë.
Gjatë ditës së sotme, 1089 qytetarë me të drejtë vote kanë pasur të drejtën ta shprehin vullnetin e tyre qytetar për të votuar në ripërsëritjen e zgjedhjeve parlamentare në Tërnoc të Madh të Bujanocit.
Qendra e votimit numër 6 në Tërnoc është mbyllur në orën 20:00.
Sipas informacioneve, qendra e votimit në shkollën fillore “Muharrem Kadriu” është hapur me disa minuta vonesë, por procesi zgjedhor u zhvillua pa probleme.
Përsëritja e zgjedhjeve është dashur të bëhej për herë të katërt në vendvotimin numër 6, të enjten më 23 qershor, por ato dështuan për shkak të mosmarrëveshjeve të anëtarëve të komisionit, duke u shtyrë për ditën e sotme.