Edhe Brazili, ashtu si Argjentina, ka zhgënjyer në debutimin e tij në Kupën e Amerikës.

Kampionët në fuqi të këtij trofeu nuk kanë shkuar më shumë se një barazim pa gola ndaj modestëve të Venezuelës në garën e parë të grupit B.

Brazilianët kanë hasur vështirësi në ndërtimin e lojës dhe tentativat individuale të yjeve të tyre nuk kanë pasur sukses.

Rasti më i rrezikshëm i brazilianëve u prodhua në minutën e 28 kur goditja e Patos goditi traversën.

Në barazim 0-0 ka përfunduar edhe ndeshja tjetër e grupit B, Paraguaj-Ekuador.