
Edi Rama: Qëndrimi i Kurtit i pashpjegueshëm
Kryeministri i Shqipërisë, Edi Rama deklaroi se nuk arrin ta mirëkuptojë Albin Kurtin në situatën e krijuar në raport me ndërkombëtarët.
“Albini është një person të cilin unë e çmoj, një mik që e respektoj, por në këtë rast është kryeministri i Kosovës të cilin unë nuk e mirëkuptoj”, u shpreh Rama në intervistë për Euronews Albania, duke shtuar se bëhet fjalë për interesin e kombit shqiptar dhe qëndrimi i tij është tejet demokratik.
Sipas tij Kurti, qeveria e Kosovës, policia dhe gjithë autoritetet duhet të kapen fort për t’ia dalë që të hedhin hapin e madh të çlirimit përfundimtar nga hija e mosnjohjeve dhe t’ia dalin që mbi të gjitha të normalizojnë marrëdhëniet me Serbinë.
“Pasi ka arritur në këtë pikë, pasi e ka futur Serbinë në një kuadrat të ngushtë, bashkësia euroatlantike nuk arrin dot as ta kuptojë, as ta justifikojë dhe as ta tolerojë sjelljen e autoriteteve të Kosovës dhe qasjen e kryeministrit Kurti, që është një sjellje sikur kjo tjetra të mos ekzistonte, sikur të ishim kushedi sa vite para dhe sikur gjithë ky proces të mos kishte ndodhur. Në ndërkohën kur ne kemi të gjithë bashkësinë euroatlantike të gatshme që ta shtërngojë Serbinë, që të pranojë më në fund, në mos njohjen formale, të pranojë heqjen dorë de facto nga Kosova dhe hapjen e rrugës për njohjen e të gjithë të tjerëve që detyrimisht pastaj do të çojë në njohjen formale të Serbisë, është e pashpjegueshme se çfarë kërkojnë autoritetet e Kosovës që i kundërvihen këtij procesi”, u shpreh Rama.
Sipas tij, kjo pengesë në rrugën e procesit, në mënyrë të pavetëdijshme po ndihmon lojën e Kremlinit.
Më shumë storie
Ndeshja Shqipëri – Serbi është mbyllur me rezultat të barabartë 0-0
Ndeshja mes Shqipërisë dhe Serbisë është mbyllur me rezultat të barabartë 0-0, pas nëntëdhjetë minutave të një loje të kujdesshme dhe...
Albin, nuk bëhet Kijameti po nuk u zgjodh kryeparlamentare e Kosovës Albulena Haxhiu
Nga Skënder Sadri KAPITI Kosovës i duhet per nje periudhe tranzitore një qeveri teknicienësh , intelektualësh dhe akademikësht moralist e...
Haklaj: Misioni i UÇPMB-së është bashkimi me Kosovën!
Të dashur vëllezër dhe motra. Të dashur bashkëkombas! Familjarë të deshmorëve të Kombit! Veteranë të UÇMB-së! Sot në këtë ditë...
Samiti i Komunitetit Politik Europian, Rama: Shtëpia e shqiptarit i përket Zotit dhe mikut
Kryeministri i Shqipërisë, Edi Rama u citoi Kanunin e Lekë Dukagjinit udhëheqësve të shteteve europiane të pranishëm në Tiranë për...
Bajram Begaj pas votimit: Qytetarët të shprehin vullnetin e tyre
Presidenti i Republikës, Bajram Begaj i shoqëruar edhe nga Zonja e Parë, Armanda Begaj kanë votuar sot pranë Qendrës së...
Zgjedhjet në Shqipëri, KQZ publikon shifrat, ja sa ishte pjesëmarrja deri në orën 18:00
Komisioni Qendror i Zgjedhjeve ka publikuar shifrat për pjesëmarrjen në zgjedhje deri në orën 18. Që prej momentit kur u...
Average Rating