Ekspozitë e 27 artistëve të Luginës te ‘Penda e Rahovicës’ në Preshevë
Të shtunën mbrëma nga ora 18:00 tek “Penda e Rahovicës”, në komunën e Preshevës, nën patronatin e Këshillit Nacional të Shqiptarëve, organizohet ekspozitë ku 27 artistë pjesëmarrës nga Lugina e Preshevës do t`i paraqesin punimet e tyre (vizatime, pikturë, grafikë, art në guri, dizajn mode, dizajn enterier, arkitekturë), në një ambient të hapur.
Kuratorë të ekspozitës janë Shqipërim e Valmira Fejzullahu.
Po ashtu, do të shfaqet një “Stand up comedy” nga Artan Ibishi dhe muzikë nga Nexhat Boriqi dhe Egzona Salihu.
Në ekspozitë, ndërkaq do të prezantohet dhe veshja tradicionale e Medvegjës.
Ekskluzive është që në këtë organizim do të marrë pjesë edhe Azize Emini e cila i ka qëndisur veshjet që do të prezantohen të shtunën.
