Ekspozitë e parë në ambient të hapur e 27 artistëve nga Lugina e Preshevës
Për herë të parë në Luginën e Preshevës, në ambient të hapur, tek penda e Rahovicës, para shumë dashamirëve të artit është prezantuar ekspozita e 27 artistëve nga Lugina e Preshevës që paraqitën punimet e tyre (vizatime, pikturë, grafikë, art në guri, dizajn mode, dizajn enterier, arkitekturë).
Ekspozita është organizuar nën patronatin e Këshillit Nacional të Shqiptarëve, me kuratorë Shqipërim e Valmira Fejzullahun. Po ashtu, është shfaqur një “Stand up comedy” nga aktori Artan Ibishi.
Kryetari i KNSH-së, z.Nevzad Lutfiu ka thënë se ngjarja kulturore si kjo na prek në identitetin tonë kulturor.
“Andaj nuk do të ndalemi së promovuari aktiviteteve të tilla”, ka thënë ai.
Në ekspozitë janë prezantuar edhe veshje tradicionale shqiptare me motive nga Medvegja.
