Eugen Cakolli: Seanca u mbyll për shkak të mungesës së dorëheqjeve nga ministrat
Read Time:1 Minute, 0 Second
Seanca e sotme e Kuvendit u mbyll për shkak të mungesës së dorëheqjeve nga ministrat në detyrë të kabinetit qeveritar, tha Eugen Canolli nga KDI, dhe theksoi se mos votimi nuk u sqarua mirë nga kryesuesi i seancës Avni Dehari.
Sipas Cakolli, deri tani ka dhënë dorëheqje vetëm kryeministri Albin Kurti, ndërsa ministrat e tjerë nuk kanë bërë.
“Ministrat tjerë të kabinetit qeveritar nuk kanë dhënë dorëheqje, pasi ajo që është publikuar në media është vetëm dorëheqja e kryeministrit Kurti, e cila është e pamjaftueshme. Nevojitet që secili prej 15 ministrave të tjerë, përfshirë 12 deputetët e LVV-së dhe tre deputetët e komuniteteve, të ofrojnë formalisht dorëheqjet e tyre”, shpjegoi Cakolli.
Ai theksoi se kjo është një hap i domosdoshëm për kalimin e raportit për mandate dhe se, pas votimit të tij në seancë, duhet të sigurohet mbështetje nga të paktën 61 deputetë për të proceduar me dhënien e betimit të deputetëve të rinj.
Cakolli po ashtu sqaroi se nuk ka nevojë të përfshihet presidentja, sipas tij mjafton që Dehari në cilësinë e kryesuesit të seancës të dërgojë ftesa për deputetët për seancën e radhës që mund të mbahet sonte, nesër apo më së voni të enjten në mëngjes.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating