Euro 2024: Holanda mund Turqinë, kualifikohet në gjysmëfinale
Read Time:52 Second
Holanda është skuadra e fundit që ka siguruar ‘vizën’ për në gjysmëfinalen e Evropianit ‘Gjermani 2024’ pas mundi Turqinë, me rezultat 2-1, të shtunën mbrëma në Berlin.
Holanda dhe Turqia u ballafaquan në çerekfinalen e fundit të Evropianit ‘Gjermani 2024’.
Dueli mes ‘Tulipanëve’ dhe skuadrës turke, ka prodhuar një superndeshje, veçmas në fraksionin e dytë të kësaj supersfidë.
Pjesëloja e parë mes këtyre dy skuadrave ka dhuruar një sfidë interesante, derisa ishte Akaydin (35’), i cili më kokë tundi portën e holandezëve pas asistimit të Guler, rezultat më të cilin skuadrat shkuan në pushim.
Pjesëlojën e dytë, të besuarit e Ronald Koeman e nisen furishëm duke kërkuar golin e barazimit.
Pas disa rasteve të dështuara, ishte De Vrij (70’), i cili barazoi shifrat në 1-1, duke e rikthyer në lojë Holandën.
Pesë minuta më vonë, holandezët përmes Gakpo gjetën edhe golin e dytë dhe të fitores në këtë duel tejet dramatik.
Holanda kalon në gjysmëfinalen e EURO 2024, ku do të përballet me Anglinë, derisa Turqia këtu i jep fundin këtij Evropiani.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating