Euro 2024: Zvicra ka triumfuar me rezultat 3-1 ndaj Hungarisë
Read Time:57 Second
Zvicra ka realizuar fitoren e parë në Euro 2024, duke triumfuar me rezultat 3-1 ndaj Hungarisë në ndeshjen e zhvilluar në stadiumin “RheinEnergieStadion”.
Zvicra e ka nisur ndeshjen me vrull, duke arritur të jetë në avantazh të dyfishtë në pjesën e parë. Në minutën e dymbëdhjetë, Duah e ka realizuar golin e parë pas një pasimi të saktë nga Aebischer. Fillimisht ky gol është kontestuae, por më pas sistemi VAR e ka konfirmuar vlefshmërinë e tij.
Pas këtij momenti, Zvicra ka vazhduar ta dominojë takimin, duke krijuar raste të tjera. Dominimi është konkretizuar në fundin e pjesës së parë, kur Aebischer ka shënuar golin e dytë me një goditje të fortë nga jashtë zonës.
Në pjesën e dytë, Hungaria ka arritur të shënojë golin e nderit me anë të Varga në minutën e 62-të, por pa pasur mundësi të kthejë ndeshjen.
Madje në kohën shtesë Zvicra ka arritur ta realizojë edhe golin e tretë me Embolo, që ka treguar kreativitet para portierit hungarez, duke e paraboluar atë dhe duke e vulosur fitoren.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating