Faton Bislimi: Diskutimi në Senatin e SHBA-ve fitore e madhe për Luginën e Preshevës dhe KosovënFaton Bislimi:

Read Time:1 Minute, 20 Second

Faton Bislimi nga Liga Qytetare Shqiptaro-Amerikane, ka prezantuar në dëgjimin në Komitetin për Mrëdhënie me Jashtë të Senatit të SHBA-ve ku u fol për Kosovën dhe Luginën e Preshevës.

Diskutimin në Senat, lobisti dhe miku i madh i Luginës së Preshevës, z.Faton Bislimi e quajti fitore e rëndësishme për Luginën e Preshevës dhe Kosovën

“Dëgjimi në Komitetin për Marrëdhënje me Jashtë të Senatit të SHBA-ve, kryesuar nga Sen. Bob Menendez shënoi një fitore tjetër edhe shumë të rëndësishme për Kosovën dhe për Luginën e Preshevës” ka deklaruar Bislimi i cili edhe personalisht takoi zotin Escobar, Chollet si dhe Senatorin Menendez.

“Senatori Menendez ishte jo vetëm shumë i saktë por edhe fort argumentues në elaborimin e tij për pozicionin amerikan karshi dialogut Kosovë – Serbi. Për SHBA-të, çkado që nuk është brenda kushtetutshmërisë së vendit nuk do pëkrahet; askush më nuk mund të besoj se një shtet që ruan lojalitetin ndaj Rusisë është përnjëmendë pro-perëndimor; dhe se Serbia duhet të ndalojë diskriminimin ndaj shqiptarëve të Luginës para se të tentojë të bindë të tjerët per më shumë të drejta për serbët në Kosovë!
Prezenca në këtë degjim ishte pervojë e paharrueshme. Edhe takimi me z. Chollet e z. Escobar ishte nder i veçantë. Por, ajo që është më e rëndësishmja është që falemnderimi për këtë rezultat në këtë dëgjim i përket Ligës Qytetare Shqiptaro-Amerikane e veçanërisht znj. Shirley Cloyes DioGuardi e cila për gati dy vite ka punuar ngushtë me Sen. Menendez dhe stafin e tjj për të arritur në këtë moment që ishte historik për Kosovën!” ka përfunduar Faton Bislimi.