Ferizaj: Privohet nga jeta 89 vjeçari Sadri Sadriu, mësues pensionist nga Presheva

Read Time:1 Minute, 26 Second

Personi me inicialet S.S. është vrarë në Ferizaj. Rasti ka ndodhur në një dasmë.

Lajmin e ka konfirmuar majori Qazim Reka, zëvendësdrejtor i Policisë së Ferizajt.

Ai tha se i dyshuari për kryerjen e kësaj vrasjeje është një zyrtar policor, i cili është arrestuar.

“Sot me 16.08.2024 , në ora 19:25 , në rrugeën “Engjell Zefi “ në fshatin Bibaj komuna Ferizaj , në parkingun e sallës së dasmave ,,Fron Palace “ ka ndodhur një vrasje. Me të marrë informacionin , menjëherë në vendin e ngjarjës kanë dalur njësi policore reaguese dhe hetuesit. Sipas informacioneve fillestare i dyshuari për kryerjen e kësaj vrasjeje është një zyrtar policer, i cili është arrestuar.

Në lidhje me rastin është njoftuar Prokuroria Themelore në Ferizaj dhe Inspektorati Policor. Për informata tjera ju informojmë me raport shtesë”, ka thënë Reka për RTKlive.

Ai bëri të ditur se viktima është i moshuar dhe se ka vdekur në vend të ngjarjes.

Lidhur me këtë ngjarje, kanë dhënë detaje edhe nga Prokuroria Themelore në Ferizaj,

“Rreth orës 19:30 në fshatin Bibaj, komuna Ferizaj, në parkingun e sallës së dasmave “Fron Palace”, ka ndodhur një rast i vrasjes dhe një person ka ndërruar jetë.

I dyshuari në këtë rast sipas informatave të para dyshohet se është zyrtar policor dhe i njëjti me vendim të Prokurorit të Shtetit, është ndaluar në kohëzgjatje prej 48-orësh për shkak të dyshimit të veprës penale “Vrasja e rëndë” sipas Kodit Penal të Republikës së Kosovës.

Hetuesit Rajonal të Policisë së Kosovës në Ferizaj në koordinim me Kryeprokurorin e Prokurorië Themelore në Ferizaj z.Shukri Jashari dhe prokurorin kujdestar kanë dalë në vendin e ngjarjes si dhe nga ekipi mjekësor është konstatuar vdekja e viktimës”, thuhet në komunikatë.

Ngushllime familjes